കൊല്‍ക്കത്ത: പശ്ചിമ ബംഗാളില്‍ മദ്യം ഓണ്‍ലൈനിലൂടെയും വില്‍ക്കാന്‍ തീരുമാനിച്ച് മമത സര്‍ക്കാര്‍. മദ്യം വീടുകളിലെത്തിക്കുന്നതിനുള്ള വെബ്സൈറ്റ് ഉടന്‍ തയ്യാറാക്കും.
അതേസമയം തിങ്കളാഴ്ച്ച മുതല്‍ ബംഗാളിലെ മദ്യശാലകള്‍ വീണ്ടും തുറന്നു പ്രവര്‍ത്തിച്ചു തുടങ്ങി. ലോക്ക്ഡൗണ്‍ കാലയളവ് പൂര്‍ത്തിയാക്കും മുന്‍പേ റെഡ് സോണ്‍ ഉള്‍പ്പെടെ എല്ലാ സോണുകളിലും മദ്യശാലകള്‍ തുറക്കാന്‍ ബംഗാള്‍ സര്‍ക്കാര്‍ തീരുമാനിക്കുകയായിരുന്നു. കണ്ടെയ്ന്‍മെന്റ് സോണുകളില്‍ മാത്രമാണ് മദ്യശാലകള്‍ അടഞ്ഞ് കിടക്കുന്നത്.
സംസ്ഥാനത്തെ 72 ശതമാനത്തോളം മദ്യശാലകളും തുറന്നു പ്രവര്‍ത്തിച്ചു. ആദ്യ ദിനം 40 കോടിരൂപയുടെ വില്‍പ്പനയാണ് മദ്യശാലകള്‍ വഴി നടന്നത് . ഉച്ചമുതല്‍ രാത്രി ഏഴ് മണിവരെയാണ് ഇപ്പോള്‍ മദ്യശാലകള്‍ പ്രവര്‍ത്തിക്കുന്നത്.
Discussion about this post