ബംഗാൾ ഉൾക്കടലിന്റെ തെക്കു കിഴക്കൻ ഭാഗം മുതൽ ആൻഡമാൻ കടൽ വരെ ന്യൂനമർദ്ദം രൂപപ്പെട്ടിട്ടുണ്ടെന്ന് കാലാവസ്ഥ വകുപ്പ്.സാഹചര്യം ഗുരുതരമാണെന്നും യാതൊരു കാരണവശാലും ഈ മേഖലകളിൽ മത്സ്യബന്ധനത്തിന് പോകാൻ പാടില്ലെന്നും തൊഴിലാളികൾക്ക് കാലാവസ്ഥാ വകുപ്പ് മുന്നറിയിപ്പ് നൽകി.
മാലിദ്വീപ്, ലക്ഷദ്വീപ്, കേരള തീരങ്ങളിൽ മണിക്കൂറിൽ 50 കിലോമീറ്റർ വേഗതയിൽ ശക്തമായ കാറ്റ് ഉണ്ടാക്കുമെന്നും പ്രക്ഷുബ്ധമായ കാലാവസ്ഥയായിരിക്കുമെന്നും മുന്നറിയിപ്പുണ്ട്.15-17 തീയതികളിൽ മധ്യ ബംഗാൾ ഉൾക്കടലിൽ കാറ്റിന്റെ വേഗം 85 കിലോമീറ്റർ വരെ വർധിക്കുമെന്നും ഈ കാലയളവിൽ മത്സ്യബന്ധനം നടത്തരുതെന്നും ജാഗ്രതാ നിർദേശമുണ്ട്.
Discussion about this post