പ്രധാനമന്ത്രിയുടെ കല്യാൺ പദ്ധതിയുടെ ഗുണഭോക്താക്കളായത് ഏതാണ്ട് 42 കോടിയോളം ആൾക്കാരെന്ന് കേന്ദ്ര ധനകാര്യ മന്ത്രാലയം.1.70 ലക്ഷം കോടി രൂപയ്ക്കാണ് കേന്ദ്ര സർക്കാർ സൗജന്യ ഭക്ഷ്യധാന്യങ്ങളും, മുതിർന്ന പൗരന്മാർക്കും കർഷകർക്കും സ്ത്രീകൾക്കുമുള്ള സാമ്പത്തിക സഹായവും വിതരണം ചെയ്തത്.ജൻധൻ അക്കൗണ്ടുകൾ ഉള്ള 20.05 കോടി സ്ത്രീകളുടെ അക്കൗണ്ടിലേക്ക് 10,029 കോടി രൂപ നിക്ഷേപിച്ച കണക്കുകളും കേന്ദ്രസർക്കാർ പുറത്തു വിട്ടു.
16,394 കോടി രൂപ പിഎം കിസാൻ നിധിയുടെ 8.19 കോടി ഉപഭോക്താക്കൾക്ക് ആദ്യഗഡുവായി വീതിച്ചു നൽകി.2.3 കോടി കെട്ടിട നിർമ്മാണ തൊഴിലാളികൾക്കുള്ള ധനസഹായമായി 4,312.82 കോടി രൂപയും നൽകി. ജൂൺ രണ്ടാം തീയതി വരെയുള്ള കണക്കുകളാണ് കേന്ദ്രധനകാര്യ മന്ത്രാലയം പുറത്തുവിട്ടത്.
