ഡല്ഹി: കാലാപത്തിന് ആക്കം കൂട്ടുന്ന തരത്തില് റിപ്പോര്ട്ട് നല്കിയെന്നാരോപിച്ച് ഏഷ്യാനെറ്റ ്ഡല്ഹി റിപ്പോര്ട്ടര് പി.ആര് സുനിലിനും ചാനല് മേധാവികള്ക്കുമെതിരെ ഡല്ഹി പോലിസില് പരാതി. ഏഷ്യാനെറ്റ് ന്യൂസ് റിപ്പോര്ട്ടര് പി.ആര്.സുനില്, ഡല്ഹി കോ ഓര്ഡിനേറ്റിങ് എഡിറ്റര് പ്രശാന്ത് രഘുവംശം, എക്സിക്യൂട്ടീവ് എഡിറ്റര് സിന്ധു സൂര്യകുമാര്, എഡിറ്റര് എം.ജി.രാധാകൃഷ്ണന് എന്നിവര്ക്കെതിരെയാണ് പരാതി.
സായുധരായ കലാപകാരികള് ജനങ്ങളുടെ മതം ചോദിച്ചറിഞ്ഞ് ആക്രമിക്കുന്നതായും മുസ്ലിം പള്ളി കത്തിച്ചതായുമുള്ള പി.ആര്.സുനിലിന്റെ റിപ്പോര്ട്ട് കലാപം മറ്റിടങ്ങളിലേക്കും വ്യാപിപ്പിക്കുകയെന്ന ലക്ഷ്യത്തോടെയാണെന്ന് മാപ്പപേക്ഷ നല്കിയ സാഹചര്യത്തില് സംപ്രേക്ഷണ വിലക്ക് ആറു മണിക്കൂറായി കുറച്ചിരുന്നു. വാര്ത്തയിലെ ക്രിമിനല് കുറ്റം നിലനില്ക്കുന്നതിനാലാണ് കേസ്. ഡല്ഹിയിലെ ബിജെപി നേതാവും മാധ്യമ പ്രവര്ത്തകനുമായ പുരുഷോത്തമന് പാലയാണ് ഡല്ഹി പൊലീസില് പരാതി നല്കിയത്. ഡല്ഹി പൊലീസ് കമ്മിഷണര്ക്കു നല്കിയിരുന്ന പരാതിയുടെ അടിസ്ഥാനത്തിലാണ് ആര്.കെ.പുരം പൊലീസ് കേസെടുത്തിട്ടുള്ളത്.
കലാപം വളര്ത്തുന്ന തരത്തില് പ്രകോപനമുണ്ടാക്കിയതിനു ഐപിസി 153, മതവിഭാഗങ്ങള്ക്കിടയില് വിദ്വേഷം സൃഷ്ടിച്ചതിനു ഐപിസി 153 എ, മതവികാരം ബോധപൂര്വം വ്രണപ്പെടുത്തിയതിനു ഐപിസി 295 എ, ജനങ്ങളെ കലാപത്തിനു പ്രേരിപ്പിച്ചതിനു ഐപിസി 505 വകുപ്പുകളിലാണ് കേസ്.
പി.ആര് സുനിലിന്റെ റിപ്പോര്ട്ടിന്റെ സിഡി പരിശോധിച്ച കേന്ദ്ര വാര്ത്താ വിനിമയ മന്ത്രാലയം റിപ്പോര്ട്ട് രാജ്യത്തിന്റെ മറ്റിടങ്ങളിലേക്കു കലാപം വ്യാപിക്കാന് ഇടയാക്കുന്നതാണെന്നു വിലയിരുത്തിയാണ് ചാനലിനു സംപ്രേക്ഷണ വിലക്ക് ഏര്പ്പെടുത്തിയത്. ഇതേ ആരോപണത്തില് ചാനല് ക്രിമിനല് നടപടികള് നേടിടേണ്ടി വരും.
Discussion about this post