രണ്ടു മാസത്തെ ഗവേഷണങ്ങൾക്കു ശേഷം ജൂലൈ പകുതിയോടെ കൊറോണ വൈറസിനെതിരെയുള്ള വാക്സിൻ മനുഷ്യരിൽ പരീക്ഷിക്കുമെന്ന് ജോൺസൺ ആൻഡ് ജോൺസൺ കമ്പനി.അമേരിക്കയുടെ പിന്തുണയോടു കൂടി പ്രവർത്തിക്കുന്ന ജോൺസൺ ആൻഡ് ജോൺസൺ ലാബുകളിൽ ഈ വർഷത്തിന്റെ അവസാനത്തോടെ കോവിഡിനെതിരെയുള്ള വാക്സിൻ കണ്ടുപിടിക്കുമെന്നാണ് കരുതുന്നത്.
അമേരിക്കയിലും ബെൽജിയത്തിലുമുള്ള കോവിഡ് രോഗികളിലായിരിക്കും വാക്സിൻ പരിശോധന നടത്തുകയെന്നാണ് റിപ്പോർട്ടുകൾ.കോവിഡിനെതിരെയുള്ള വാക്സിൻ കണ്ടെത്താനുള്ള പരീക്ഷണങ്ങൾ ആരംഭിച്ചതിനു ശേഷം ജോൺസൺ ആൻഡ് ജോൺസൺ കമ്പനിയുടെ ഷെയറിൽ വർദ്ധനവുണ്ടായിട്ടുണ്ട്. മാർച്ചിലാണ് കമ്പനി 2021 ഓടെ വാക്സിൻ ഗവേഷണത്തിനുള്ള അമേരിക്കയുടെ കരാറിൽ ഒപ്പുവെച്ചത്.
Discussion about this post