ഡല്ഹി: തന്റെ കൈയില് ചുംബിച്ചാല് കോവിഡ് മാറുമെന്ന് അവകാശപ്പെടുകയും പ്രചരിപ്പിക്കുകയും ചെയ്ത അസ്ലം എന്നയാള് കോവിഡ് ബാധിച്ച് മരിച്ചു. മധ്യപ്രദേശിലെ രത്ലാമിലാണ് സംഭവം.
ജൂണ് 3 നാണ് അനുയായികള് ബാബ എന്ന് വിളിച്ചിരുന്ന അസ്ലമിന് കോവിഡ് പോസിറ്റീവ് സ്ഥിരീകരിച്ചത്. ജൂണ് 4ന് മരിച്ചു. കൈയില് ചുംബിച്ച് കോവിഡ് മാറ്റുമെന്ന അവകാശവാദം വിശ്വസിച്ച് ഒട്ടേറെ ആളുകള് അസ്ലം ബാബയ്ക്കരികില് എത്തിയിരുന്നു.
Vaccine for stupidity urgently needed. #vaccine #corona
Godman’ Aslam who ‘cured’ by kissing hands, dies of coronavirus https://t.co/HpVa73jPJh
— Shamsher Singh IPS (@Shamsher_IPS) June 11, 2020
അതേസമയം അസ്ലമുമായി സമ്പര്ക്കം പുലര്ത്തിയ 24 പേര്ക്ക് കോവിഡ് പോസിറ്റീവ് സ്ഥിരീകരിച്ചതായി സംസ്ഥാന ആരോഗ്യ വകുപ്പ് അറിയിച്ചു. ഇയാള് താമസിച്ചിരുന്ന നയാപുര മേഖലയിലെ 150 ഓളം പേരെയും ക്വാറന്റീനിലാക്കി. പ്രദേശത്തെ കണ്ടെയ്നര് സോണായി പ്രഖ്യാപിച്ചു. പ്രതിരോധ നടപടിയായി പ്രദേശത്തെ 32 ‘ബാബകളെ’ അധികൃതര് ക്വാറന്റീനിലാക്കി. അവരുടെ സാമ്പിളുകളും കോവിഡ് പരിശോധനയ്ക്ക് അയച്ചു.
രത്ലാമില് ഇതുവരെ 85 പേര്ക്ക് കോവിഡ് സ്ഥിരീകരിച്ചിട്ടുണ്ട്. 44 പേര് രോഗമുക്തരായി. നാലു പേര് മരിച്ചു
Discussion about this post