ഷില്ലോങ് : ഗാൽവൻ താഴ്വരയിൽ, ഇന്ത്യയ്ക്കെതിരെ ചൈന നടത്തിയ ആക്രമണം ആസൂത്രിതമാണെന്ന് മുൻ ഇന്ത്യൻ ഫുട്ബോൾ നായകൻ ബൈച്ചുംഗ് ബൂട്ടിയ. ആഴ്ചകൾക്ക് മുമ്പ് തന്നെ ഇന്ത്യയിലുള്ള ചൈനീസ് പൗരന്മാരോട് ഇന്ത്യ വിടണമെന്ന ചൈനയുടെ നിർദേശം ഇതിനുള്ള തെളിവാണെന്ന് ബൈച്ചുംഗ് ബൂട്ടിയ ചൂണ്ടിക്കാട്ടി. ചൈനയുടെ പ്രകോപനത്തിനു മുമ്പിൽ മുട്ടുമടക്കാതെ ശക്തമായ മറുപടി നൽകണമെന്നും ബൂട്ടിയ ട്വിറ്ററിൽ കുറിച്ചു.
ഇന്ത്യ -ചൈന അതിർത്തിയിൽ നടന്ന ചൈനയുടെ ആക്രമണത്തിൽ വീരമൃത്യു വരിച്ച ഇന്ത്യൻ സൈനികർക്ക് ആദരാഞ്ജലികൾ അർപ്പിച്ചു കൊണ്ട് ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോലി, രോഹിത് ശർമ, ഇർഫാൻ പത്താൻ, ഹർഭജൻ സിംഗ്, യുവരാജ് സിംഗ്, ഇഷാന്ത് ശർമ, ബാഡ്മിന്റൺ താരം സൈന നെഹ്വാൾ എന്നിവരും മുമ്പ് രംഗത്തെത്തിയിരുന്നു.
Discussion about this post