കൊച്ചി: പ്രശസ്ത സിനിമാ നടി ഷംന കാസിമിനെ ഭീഷണിപ്പെടുത്തി പണം തട്ടാന് ശ്രമിച്ച കേസില് പ്രതികള് നടിയില് നിന്ന് 10 ലക്ഷം രൂപ ലക്ഷ്യമിട്ടെന്ന് റിപ്പോർട്ട്. ഷംനയെ കൂടാതെ കൂടുതല് പേരില് നിന്നും ഇവര് പണം തട്ടാന് ശ്രമിച്ചതായും റിപ്പോര്ട്ടുകളുണ്ട്. ഇതുസംബന്ധിച്ച് രണ്ടുമോഡലുകളാണ് ഇവര്ക്കെതിരെ മരട് പൊലീസ് സ്റ്റേഷനില് പരാതി നല്കിയിരിക്കുന്നത്.
അതേസമയം ഷംനയുടെ പരാതിയെ തുടര്ന്ന് അറസ്റ്റിലായ പ്രതികളുടെ ചിത്രങ്ങള് പുറത്തുവന്നിരുന്നു. വ്യാജ ചിത്രങ്ങള് ഉപയോഗിച്ചാണ് സംഘം തട്ടിപ്പ് നടത്തിയിരുന്നത്.
ദുബായിലെ ബിസിനസ് അത്യാവശത്തിന് പണം ആവശ്യപ്പെടാന് ആയിരുന്നു പദ്ധതി. അന്വര് എന്ന പേരിലാണ് പ്രതി ഷംനയെ വിളിച്ചത്. പൊലീസ് അറസ്റ്റ് ചെയ്ത റഫീഖ് ആണ് അന്വര് ആയി അഭിനയിച്ചത്. ഇയാള് രണ്ട് കുട്ടികളുടെ അച്ഛന് ആണെന്ന് പൊലീസ് പറഞ്ഞു. മാന്യത നടിച്ചാണ് തട്ടിപ്പുകാര് ഇടപെട്ടതെന്ന് ഷംന പറയുന്നു. കുടുംബം വഴി വന്ന വിവാഹാലോചന ആയതിനാല് ആദ്യം സംശയിച്ചില്ല. എന്നാല് പെട്ടെന്ന് പണം ആവശ്യപ്പെട്ടപ്പോള് സംശയം തോന്നിയെന്നും ഷംന വ്യക്തമാക്കി. നടിയെ ഭീഷണിപ്പെടുത്തി പണം തട്ടാന് ശ്രമിച്ച കേസില് നാലുപേരാണ് ഇതുവരെ അറസ്റ്റിലായത്.
Discussion about this post