ന്യൂഡൽഹി : ഇന്ത്യയുടെ അഭ്യർത്ഥന മാനിച്ച് രണ്ടോ മൂന്നോ മാസത്തിനുള്ളിൽ റഷ്യ ആയുധങ്ങളും യുദ്ധസാമഗ്രികളും ഇന്ത്യയ്ക്ക് കൈമാറും.ഇന്ത്യൻ പ്രതിരോധമന്ത്രി രാജ്നാഥ് സിംഗ് റഷ്യ സന്ദർശനത്തിൽ സൈന്യത്തിന് വേണ്ടിയുള്ള പ്രതിരോധ സാമഗ്രികൾ റഷ്യയോട് ആവശ്യപ്പെട്ടിരുന്നു. ഈ സാമഗ്രികളാണ് എത്രയും പെട്ടെന്ന് ഇന്ത്യയിലേക്ക് എത്തിക്കാമെന്ന് റഷ്യൻ സർക്കാർ ഉറപ്പു നൽകിയത്.
ഇന്ത്യ ആവശ്യപ്പെട്ട പ്രതിരോധ സാമഗ്രികൾ ഇന്ത്യയിലേക്കെത്തിക്കാനുള്ള നടപടികൾ റഷ്യ ആരംഭിച്ചു കഴിഞ്ഞുവെന്നാണ് റിപ്പോർട്ടുകൾ.എസ്-400 മിസൈൽ പ്രതിരോധ സംവിധാനവും സുഖോയ് -30 യുദ്ധവിമാനവും ഒഴികെയുള്ള യുദ്ധസാമഗ്രികൾ എത്രയും പെട്ടെന്ന് ഇന്ത്യയിലേക്കെത്തിക്കാനുള്ള നടപടികളാണ് റഷ്യ ആരംഭിച്ചിട്ടുള്ളത്. പ്രതിരോധമന്ത്രി രാജ്നാഥ് സിംഗിന്റെ റഷ്യൻ യാത്രയിൽ റഷ്യയുടെ ഉപ പ്രധാനമന്ത്രിയായ യൂറി ബോറിസോവുമായി മന്ത്രി രാജ്നാഥ് സിംഗ് കൂടിക്കാഴ്ച നടത്തിയിരുന്നു.
Discussion about this post