തിരുവനന്തപുരം: സംസ്ഥാനത്ത് ഇന്ന് ഏറ്റവും കൂടുതൽ പേർക്ക് കൊവിഡ് ബാധ സ്ഥിരീകരിച്ചത് മലപ്പുറം ജില്ലയിൽ. ഇവിടെ ഇന്ന് 35 പേർക്കാണ് കൊവിഡ് ബാധിച്ചത്. ഇതിൽ 3 പേർക്ക് രോഗം ബാധിച്ചത് സമ്പർക്കത്തിലൂടെയാണ്. ഇന്ന് ജില്ലയില് ആരും രോഗമുക്തി നേടിയില്ല.
മലപ്പുറത്ത് ഇന്ന് രോഗം ബാധിച്ചവരില് 29 പേര് വിദേശത്ത് നിന്നും എത്തിയവരാണ്. മൂന്ന് പേര് ഇതര സംസ്ഥാനങ്ങളില് നിന്നും വന്നവരാണ്. ഇന്ന് രോഗം സ്ഥിരീകരിച്ചവരില് എട്ട് പേര് കോഴിക്കോട് ഗവണ്മെന്റ് മെഡിക്കല് കോളജിലും നാല് പേര് എറണാകുളം കളമശ്ശേരി മെഡിക്കല് കോളജിലും ശേഷിക്കുന്നവര് മഞ്ചേരി ഗവ. മെഡിക്കല് കോളജ് ആശുപത്രിയിലുമാണ് ചികിത്സയിൽ കഴിയുന്നത്.
അതേസമയം സംസ്ഥാനത്തെ കൊവിഡ് കണക്കുകൾ ആശങ്കാജനകമായി ഉയരുകയാണ്. പ്രതിദിന രോഗബാധിതരുടെ എണ്ണം 200 കടന്നത് ആശങ്ക വർദ്ധിപ്പിക്കുന്നു. സംസ്ഥാനത്ത് ഇന്ന് കൊവിഡ് ബാധ സ്ഥിരീകരിച്ചത് 211 പേർക്കാണ്. തിരുവനന്തപുരം, കൊച്ചി, കോട്ടയം നഗരങ്ങളിൽ രോഗവ്യാപന തോത് വർദ്ധിക്കുന്നത് സ്ഥിതി ഗുരുതരമാകാൻ കാരണമായേക്കുമെന്നാണ് വിലയിരുത്തൽ.
Discussion about this post