കോവിഡ്-19 മഹാമാരി : 24 മണിക്കൂറിനുള്ളിൽ ഇന്ത്യയിൽ റിപ്പോർട്ട് ചെയ്തത് 26,506 കേസുകൾ

കഴിഞ്ഞ 24 മണിക്കൂറിനുള്ളിൽ ഇന്ത്യയിൽ റിപ്പോർട്ട് ചെയ്തത് 26,506 പുതിയ കോവിഡ്-19 കേസുകൾ.ഇതോടെ ഇന്ത്യയിൽ കോവിഡ് ബാധിച്ചവരുടെ ആകെയെണ്ണം 7.93 ലക്ഷമായി ഉയർന്നു.രാജ്യത്ത് ആദ്യമായാണ് ഒരു ദിവസം ഇത്രയുമധികം കോവിഡ് കേസുകൾ റിപ്പോർട്ട്‌ ചെയ്യുന്നത്.കോവിഡ് ബാധിച്ച് ഇന്നലെ മാത്രം 475 പേർ മരിച്ചു.ഇതോടെ ഇന്ത്യയിൽ കോവിഡ് ബാധിച്ചു മരിച്ചവരുടെ ആകെയെണ്ണം 21,604 ആയി വർദ്ധിച്ചു.

രോഗം ബാധിച്ചവരിൽ 2,76,685 പേരാണ് വിവിധ ആശുപത്രികളിലായി ഇപ്പോൾ ചികിത്സയിലുള്ളത്.ഇതുവരെ 4,95,513 പേർ രോഗമുക്തരായി ആശുപത്രി വിട്ടു.രാജ്യത്ത് ഏറ്റവും കൂടുതൽ രോഗബാധിതരുള്ള സംസ്ഥാനം മഹാരാഷ്ട്രയാണ്. മഹാരാഷ്ട്രയിൽ മാത്രം 2.30 ലക്ഷം കോവിഡ് കേസുകളാണ് ഇതുവരെ റിപ്പോർട്ട് ചെയ്തിട്ടുള്ളത്.