അസം പ്രളയത്തിന്റെ പഴയ ചിത്രങ്ങൾ പുതിയ പ്രളയത്തിന്റേതാക്കി ചിത്രീകരിച്ച് കോൺഗ്രസ് നേതാവ് പ്രിയങ്ക വധേര.2017-ലും 2019-ലും അസമിലുണ്ടായ പ്രളയത്തിന്റെ ചിത്രങ്ങളാണ് പ്രളയത്തിൽ ദുരിതമനുഭവിക്കുന്നവരെ സഹായിക്കണമെന്ന തലക്കെട്ടോടെ പ്രിയങ്ക വധേര ട്വിറ്ററിൽ പോസ്റ്റ് ചെയ്തത്.ട്വിറ്ററിലെ തന്നെ അങ്കുർ സിംഗ് എന്നയാളാണ് പ്രിയങ്ക പങ്കുവെച്ചിരിക്കുന്നത് പഴയ പ്രളയക്കാലത്തെ ചിത്രമാണെന്ന് ചൂണ്ടിക്കാട്ടിയത്. പ്രിയങ്ക വധേര സാമൂഹ്യമാധ്യമങ്ങളിലൂടെ ആദ്യമായല്ല ഇത്തരം തെറ്റായ വിവരങ്ങൾ പങ്കു വെയ്ക്കുന്നത്.
കഴിഞ്ഞ ദിവസം, ആഗ്രയിൽ 48 മണിക്കൂറിനിടെ കോവിഡ് ബാധിച്ചു മരിച്ചത് 28 പേരാണെന്ന പ്രിയങ്കയുടെ ട്വീറ്റിനെതിരെ ആഗ്ര ഡി.എം രംഗത്തു വന്നിരുന്നു.പ്രിയങ്കയുടെ പ്രസ്താവന തെറ്റാണെന്നും ട്വീറ്റ് ഉടൻ തന്നെ പിൻവലിക്കണമെന്നും ആഗ്രയുടെ ജില്ലാ മജിസ്ട്രേറ്റ് ആവശ്യപ്പെട്ടു.മാർച്ചിൽ യുപിയിലുള്ള കർഷകരുടെ വിളകൾ നശിക്കുകയാണെന്ന തലക്കെട്ടോടെ പ്രിയങ്ക പാകിസ്ഥാനിലെ ചിത്രങ്ങൾ പങ്കുവെച്ചതും ഏറെ ചർച്ചയായിരുന്നു.
