തിരുവനന്തപുരം: സംസ്ഥാനത്ത് വീണ്ടും കൊവിഡ് മരണം. ഇന്നലെ മരിച്ച തിരുവനന്തപുരം പുല്ലുവിള സ്വദേശിനി ട്രീസ വർഗീസിനാണ് രോഗബാധ സ്ഥിരീകരിച്ചത്. 60 വയസുള്ള കിടപ്പ് രോഗിയായ ഇവരെ കൊവിഡ് ആന്റിജൻ പരിശോധനക്ക് വിധേയയാക്കിയിരുന്നു. ഫലം പോസിറ്റീവ് ആയതിനെ തുടർന്ന് ആശുപത്രിയിലേയ്ക്ക് മാറ്റും മുമ്പേ മരണം സംഭവിക്കുകയായിരുന്നു.
അതേസമയം തിരുവനന്തപുരത്ത് കൊവിഡ് ആശങ്ക പടരുകയാണ്. ചാലയിലും പരിസര പ്രദേശങ്ങളിലും കൂടുതൽ പോസിറ്റീവ് കേസുകൾ റിപ്പോർട്ട് ചെയ്യപ്പെടുന്നതായാണ് വിവരം. ഈ പ്രദേശങ്ങളിൽ പുതിയ ക്ലസ്റ്ററുകൾ രൂപ്പെടാൻ സാധ്യതയുണ്ടെന്നാണ് നിഗമനം.
തലസ്ഥാനത്തെ തീരദേശമേഖലയിലും സാഹചര്യം ഗുരുതരമായി തുടരുകയാണ്. നഗരത്തിൽ ഇന്ന് രണ്ട് പൊലീസുകാർക്ക് കൂടി രോഗബാധ സ്ഥിരീകരിച്ചു. ഇതോടെ നഗരത്തിൽ മാത്രം കൊവിഡ് ബാധ സ്ഥിരീകരിച്ച പൊലീസുകാരുടെ എണ്ണം 25 ആയി.
Discussion about this post