കശ്മീരിനു പ്രത്യേക പരിഗണന നൽകിയിരുന്ന ആർട്ടിക്കിൾ 370 റദ്ദാക്കിയതിനു ശേഷം കശ്മീരിലെ ഭീകര പ്രവർത്തനങ്ങളിൽ കാര്യമായ കുറവ് സംഭവിച്ചിട്ടുണ്ടെന്ന് ആഭ്യന്തര മന്ത്രാലയത്തിന്റെ റിപ്പോർട്ട്.കഴിഞ്ഞ വർഷം ആഗസ്റ്റ് 5നാണ് കേന്ദ്രം ആർട്ടിക്കിൾ 370 റദ്ദാക്കുന്നത്.അന്ന് മുതൽ കശ്മീരിൽ 36 ശതമാനത്തോളം ഭീകരാക്രമണങ്ങൾ കുറഞ്ഞിട്ടുണ്ടെന്നാണ് റിപ്പോർട്ടുകളിൽ നിന്നും വ്യക്തമാകുന്നത്.കഴിഞ്ഞ വർഷം ജനുവരി 1 മുതൽ ജൂലൈ 15 വരെ റിപ്പോർട്ട് ചെയ്തത് 188 ആക്രമണങ്ങളാണ്.ഈ വർഷം അത്‌ 120 ആയി കുറഞ്ഞിട്ടുണ്ട്.
2019-ൽ ഇതേ കാലയളവിൽ സൈന്യം 126 ഭീകരരെ കൊലപ്പെടുത്തിയപ്പോൾ, ഈ വർഷം വധിച്ചത് 136 ഭീകരരെയാണ്.ഗ്രനേഡുകൾ ഉപയോഗിച്ചുള്ള ആക്രമണവും കഴിഞ്ഞ വർഷത്തെക്കാൾ കുറഞ്ഞിട്ടുണ്ട്. 2019-ലെ ജനുവരി മുതൽ ജൂലൈ വരെയുള്ള കാലയളവിൽ ജമ്മു കശ്മീരിൽ കൊല്ലപ്പെട്ടത് 75 സുരക്ഷാ ഉദ്യോഗസ്ഥരും 23 ജമ്മു കശ്മീർ നിവാസികളുമാണ്.ഈ വർഷം അത്‌ യഥാക്രമം മുപ്പത്തിയഞ്ചും ഇരുപത്തിരണ്ടുമായി കുറഞ്ഞു.
