റഫാൽ യുദ്ധവിമാനങ്ങൾ ഇന്ത്യൻ വ്യോമപരിധിയിൽ പ്രവേശിച്ചതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു.ഇന്ത്യൻ സമുദ്ര അതിർത്തിയിലേക്ക് പ്രവേശിച്ച റഫാലുകളെ ഇന്ത്യൻ നാവികസേന സ്വാഗതം ചെയ്തു.12 നോട്ടിക്കൽ മൈൽ സമുദ്ര അതിർത്തി കടന്ന് കുതിയ്ക്കുന്ന റഫാലുകൾ ഏതാണ്ട് രണ്ടു മണിയോടെ അംബാല എയർബേസിൽ എത്തുമെന്നാണ് കണക്കുകൂട്ടുന്നത്.
മുൻകരുതൽ എന്ന നിലയിൽ അംബാല എയർബേസിന് സമീപം നിരോധനാജ്ഞ പ്രഖ്യാപിച്ചിട്ടുണ്ട്.കടുത്ത കാലാവസ്ഥ ഭീഷണി നിലനിൽക്കുന്നതിനാൽ ജോധ്പൂർ എയർബേസും റഫാലുകളെ സ്വീകരിക്കാൻ തയ്യാറാക്കി നിർത്തിയിട്ടുണ്ട്.
