ബോളിവുഡ് നടൻ സുശാന്ത് സിംഗ് രാജ്പുതിന്റെ മരണം സിബിഐയെ കൊണ്ട് അന്വേഷിപ്പിക്കണമെന്നാവശ്യപ്പെട്ട് സമർപ്പിച്ച പൊതുതാല്പര്യ ഹർജി സുപ്രീം കോടതി തള്ളി.അൽക്ക പ്രിയ എന്ന യുവതി ഫയൽ ചെയ്ത പൊതുതാല്പര്യ ഹർജി ചീഫ് ജസ്റ്റിസ് എസ്എ ബോബ്ഡെയടങ്ങുന്ന ബെഞ്ചാണ് തള്ളിയത്.ഈ യുവതിക്ക് സുശാന്തിന്റെ മരണം സിബിഐയെ കൊണ്ട് അന്വേഷിക്കണമെന്ന് ആവശ്യപെടാനുള്ള അവകാശം അഥവാ ലോക്കസ് സ്റ്റാൻഡിയില്ലെന്ന് കണ്ടെത്തിയതിനെ തുടർന്ന് ഹർജി തള്ളുകയായിരുന്നു. നിലവിൽ മുംബൈ പോലീസ് കേസിന്റെ അന്വേഷണം നടത്തി വരികയാണ്.
അതിനിടയിലാണ് ഇത്തരത്തിലൊരു പൊതുതാല്പര്യ ഹർജി കോടതിയിൽ സമർപ്പിച്ചത്.അതേ സമയം, ബോംബെ ഹൈക്കോടതിയിൽ സുശാന്തിന്റെ മരണം ഏതെങ്കിലും സ്വതന്ത്ര അന്വേഷണ ഏജൻസിയെ കൊണ്ട് അന്വേഷിക്കണമെന്നാവശ്യപ്പെട്ട് അഭിഭാഷകനായ സർതാക് നായകും പൊതുതാല്പര്യ ഹർജി ഫയൽ ചെയ്തിരുന്നു.
Discussion about this post