പാകിസ്ഥാനി ട്വിറ്റര് അക്കൗണ്ടുകളിലൂടേ ചൈന ഇന്ത്യയില് തെറ്റിദ്ധാരണ പരത്താന് വലിയ ശ്രമങ്ങള് നടത്തിയെന്ന് അന്വേഷണ ഏജന്സികള് കണ്ടെത്തി. ചൈനയുടെ കൈയ്യേറ്റശ്രമങ്ങള് നടക്കുന്നതിനിടയില് ഇന്ത്യയെ തെറ്റിദ്ധരിപ്പിനാനായി അനേകം അക്കൗണ്ടുകളിലൂടെ പഴയ ചിത്രങ്ങളും വിവരങ്ങളും പങ്കുവച്ചുവെന്നും ഇത് സത്യമെന്ന് ധരിച്ച് ഇന്ത്യയിലെ മാദ്ധ്യമങ്ങള് ജനങ്ങളില് അവിശ്വാസം പരത്തിയെന്നുമാണ് അന്വേഷണത്തില് തെളിഞ്ഞതെന്ന് ദേശീയമാദ്ധ്യമങ്ങള് റിപ്പോര്ട്ട് ചെയ്യുന്നു.
അനേകം കപട ചൈനീസ് പ്രൊഫൈലുകള് ഉണ്ടാക്കിക്കൊണ്ടാണ് ഇത്തരത്തില് ചൈനാ അനുകൂല വ്യാജവിവരങ്ങള് നല്കിയത്. ആയിരക്കണക്കിന് അനുയായികളുള്ള ഈ പ്രൊഫൈലുകള് ചൈനയിലെ ഉയര്ന്ന നയതന്ത്രവിദഗ്ധരും പിന്തുടര്ന്നിരുന്നു. ഇന്ത്യയില് വിശ്വാസ്യത ഉണ്ടാക്കാനാണ് അവര് ഇത് ചെയ്തതെന്നാണ് കരുതുന്നത്.
ഈ വ്യാജപ്രൊഫൈലുകളില് നിന്ന് നിരന്തരം ഇന്ത്യക്ക് എതിരായുള്ള ട്വീറ്റുകളും വ്യാജവിവരങ്ങളും പങ്കുവച്ചുകൊണ്ടിരുന്നു. ഇതില് ഇന്ത്യന് പക്ഷത്തെ തെറ്റിദ്ധരിപ്പിക്കാനുള്ള വിവരങ്ങളും ഉണ്ടായിരുന്നു. ഇതില് പല പ്രൊഫൈലുകളും പാകിസ്ഥാനില് നിന്നാണ് കൈകാര്യം ചെയ്തിരുന്നത്. ഈ പ്രൊഫൈലുകളില് പലതിനും ഇതിനുമുന്പ് ഉര്ദു പേരുകള് പോലുമായിരുന്നു ഉണ്ടായിരുന്നത്. എന്നാല് ട്വിറ്ററില് പ്രൊഫൈല് നാനം മാത്രമല്ല ട്വിറ്റര് ഹാന്ഡിലുകളും മാറ്റാകാനും. ഇതുപയോഗിച്ച് ചൈനീസ് അക്ഷരങ്ങളുപയോഗിച്ചാണ് ഇവര് പേരുകള് മാറ്റിയത്. ഈ പ്രൊഫൈലുകള് പണ്ട് ഉര്ദു ട്വീറ്റുകളാണ് ചെയ്തിരുന്നത്.
ഈ പ്രൊഫൈലുകളിലൂടെ ഗാല്വാന് താഴ്വരയില് നടന്നതെന്ന് കാണിച്ച് പരിക്കേറ്റ ഇന്ത്യന് സൈനികരുടെയും മറ്റും ചിത്രങ്ങള് നിരന്തരം പങ്കുവച്ചിരുന്നു. ഇതെല്ലാം പഴയ യുദ്ധങ്ങളിലെ ചിത്രങ്ങളായിരുന്നു. 17000 അനുയായികളുള്ള ഒരു പ്രൊഫൈല് പോലും അക്കൂട്ടത്തില് വ്യാജവിവരങ്ങള് പങ്കുവച്ചു. ഈ പ്രൊഫൈല് ഉപയോഗിച്ചിരുന്നത് പാകിസ്ഥാനില് നിന്നാണെന്ന് കണ്ടെത്തിയിട്ടുണ്ട്.
ചൈനീസ് അക്കൗണ്ടുകള് മാത്രമല്ല, നേപ്പോളി, ശ്രീലങ്കന് എന്നീ രാജ്യങ്ങളിലെ ജനങ്ങളുടേത് എന്ന് തോന്നിക്കുന്ന വ്യാജപ്രൊഫൈലുകളിലൂടെ ഇന്ത്യയ്ക്കെതിരേ വലിയ വ്യാജവിവരങ്ങളാണ് പ്രചരിപ്പിക്കുന്നത്. ഇതും പാകിസ്ഥാനികളാണ് ചെയ്യുന്നതെന്ന് തെളിഞ്ഞിട്ടുണ്ട്. പാകിസ്ഥാനികളെ ഉപയോഗിച്ച് ചൈനീസ് പ്രൊപ്പഗണ്ട വിഭാഗം നടത്തുന്ന ഈ ഒളിയുദ്ധത്തില് ഇന്ത്യക്കാരുള്പ്പെടെ വിശ്വസിച്ചുപോകുന്നതായാണ് കാണുന്നത്.
ട്വിറ്റര് ചൈനയില് നിരോധിച്ചിട്ടുള്ളതാണ്. എന്നാലും ചില ചൈനീസ് നയതന്ത്രവിദഗ്ധര്ക്ക് ട്വിറ്ററില് അക്കൗണ്ടുണ്ട്. ചൈനയ്ക്കുള്ളില് നിന്ന് വെര്ച്വല് പ്രൈവറ്റ് നെറ്റ്വര്ക്ക് വഴിയും ട്വിറ്റര് അക്കൗണ്ടുകളുണ്ടാക്കാം. ഇങ്ങനെ ഉണ്ടാക്കിയ പ്രൊഫൈലുകളാണ് എന്ന് തെറ്റിദ്ധരിപ്പിച്ചാണ് ഇന്ത്യയ്ക്കെതിരേ വ്യാജവിവരങ്ങള് നല്കിക്കൊണ്ടിരിക്കുന്നത്.
ചൈനീസ്, നേപ്പാളി, ശ്രീലങ്കന് പ്രൊഫൈലുകള് മാത്രമല്ല, ഇന്ത്യന് പ്രൊഫൈലുകളും ചൈനാപാകിസ്ഥാന് വ്യാജവിവരസംഘം ഉണ്ടാക്കിയിട്ടുണ്ട് എന്നാണറിയുന്നത്.
അതേസമയം പാകിസ്ഥാന് നിയന്ത്രിക്കുന്ന ഭീകരസംഘങ്ങളെ ഉപയോഗിച്ച് പ്രാദേശികഭാഷകളായ തമിഴ്, മലയാളം, ഹിന്ദി എന്നീ ഭാഷകളില്പ്പോലും സാമൂഹ്യമാദ്ധ്യമ പ്രൊഫൈലുകള് ഉണ്ടാക്കിയിട്ടുണ്ടെന്നും ഇവര് അതുപയോഗിച്ച് ഇന്ത്യക്കെതിരേ വ്യാജവിവരങ്ങള് പ്രചരിപ്പിക്കുന്നുണ്ട് എന്നും വിവരം കിട്ടിയിട്ടുണ്ടെന്ന് റിപ്പോര്ട്ടുകളുണ്ട്. രഹസ്യാന്വേഷണ ഉദ്യോഗസ്ഥര് അത്തരത്തിലുള്ള പ്രവര്ത്തനങ്ങളെപ്പറ്റി അന്വേഷണം തുടങ്ങിക്കഴിഞ്ഞു എന്ന് സൂചനകളുണ്ട്. ഇത്തരത്തിലുള്ള പല സംഘങ്ങളേയും കണ്ടെത്തിയിട്ടുണ്ടെന്നും ഗള്ഫ് രാജ്യങ്ങളില് നിന്നുള്പ്പെടെ ഇത്തരത്തില് ചൈനാ പാക് അനുകൂല വ്യാജവിവരങ്ങള് പ്രചരിപ്പിക്കുന്ന അക്കൗണ്ടുകള് കണ്ടെത്തിയിട്ടുണ്ട് എന്നുമാണറിയുന്നത്.
