കൊല്ലം: അയോധ്യയിലെ രാമക്ഷേത്ര ശിലാന്യാസത്തിന് ആശംസാ സന്ദേശമയച്ച് മാതാ അമൃതാനന്ദമയി.
‘ഇന്ന് മഹത്തായ ഒരു ചരിത്ര മുഹൂർത്തമാണ്. ഇത് ഏതെങ്കിലും ഒരു വിഭാഗത്തിന്റെ വിജയമോ മറ്റൊരു വിഭാഗത്തിന്റെ പരാജയമോ അല്ല. മറിച്ച് പരസ്പര സ്നേഹത്തിന്റെയും ക്ഷമയുടെയും വിശാല മനോഭാവത്തിന്റെയും വിജയമാണ്. ഈ പരസ്പര സ്നേഹവും ക്ഷമയും വിശാല മനോഭാവവും എല്ലാവരിലും എക്കാലവും നിലനിൽക്കാൻ ദൈവം അനുഗ്രഹിക്കട്ടെ.‘; ആശംസകൾ അറിയിച്ചു കൊണ്ടുള്ള വീഡിയോ സന്ദേശത്തിൽ മാതാ അമൃതാനന്ദമയി പറഞ്ഞു.
പ്രധാനമന്ത്രി നരേന്ദ്ര മോദി പങ്കെടുക്കുന്ന ഭൂമിപൂജയിലും ശിലാന്യാസത്തിലും നിരവധി പ്രമുഖരും പങ്കെടുക്കുന്നുണ്ട്. വേദിയിൽ പ്രധാനമന്ത്രിയെ കൂടാതെ ആർ എസ് എസ് മേധാവി മോഹൻ ഭാഗവത്, ഉത്തർ പ്രദേശ് ഗവർണ്ണർ ആനന്ദി ബെൻ പട്ടേൽ, മുഖ്യമന്ത്രി യോഗി ആദിത്യനാഥ്, മഹന്ത് നൃത്യ ഗോപാൽ ദാസ് എന്നിവർ സന്നിഹിതരാണ്. കൊവിഡ് മാനദണ്ഡങ്ങൾ കൃത്യമായി പാലിച്ചാണ് ചടങ്ങുകൾ ക്രമീകരിച്ചിരിക്കുന്നത്.
Discussion about this post