ഇന്ത്യാ വിരുദ്ധതയില്‍ പാകിസ്ഥാനെയും ചൈനയെയും കടത്തി വെട്ടി മുന്നേറുന്ന തുര്‍ക്കി പ്രസിഡണ്ട് എള്‍േേദാഗന്റെ ഭാര്യ സന്ദര്‍ശിച്ച് ബോലിവുഡ് താരം അമീര്‍ ഖാന്‍. ശനിയാഴ്ചയാണ് അമീര്‍ എമില്‍ എല്‍ദോഗനെ അവരുടെ വസതിയിലെത്തി സന്ദര്‍ശിച്ചത്.
നടനും ഭാര്യ കിരണ്‍ റാവുവും ചേര്‍ന്ന് സ്ഥാപിച്ച എന്‍ജിഒയുടെ പ്രവര്‍ത്തനങ്ങള്‍ അമീര്‍ ഖാന്‍ എമിനോട് വിവരിച്ചുവെന്നാണ് റിപ്പോര്‍ട്ട്. മുസ്ലിം കുടുംബത്തില്‍ നിന്നുള്ള താനെങ്ങനെ ബോളിവുഡ് താരമായി എന്ന് അമീര്‍ ഖാന്‍ തുര്‍ക്കി പ്രഥമ വനിതയോട് വിവരിച്ചുവെന്നും തുര്‍ക്കിയിലെ വാര്‍ത്താ ഏജന്‍സി റിപ്പോര്‍ട്ട് ചെയ്തു.
ഇന്ത്യാ-തുര്‍ക്കി ബന്ധം ഏറെ വഷളായ സാഹചര്യത്തില്‍ സൂപ്പര്‍ താരം നടത്തിയ കൂടിക്കാഴ്ച വിമര്‍ശനത്തിന് വഴിവെച്ചിട്ടുണ്ട്. അമീര്‍ഖാന്റെ സന്ദര്‍ശനത്തിനെതിരെ സോഷ്യല്‍ മീഡിയ പ്രതിഷേധവും ശക്തമാണ്. എര്‍ദോഗന്റെ പിന്തുണയുള്ള തുര്‍ക്കി സംഘടനകളില്‍ നിന്ന് കശ്മീരിലും കേരളത്തിലും പ്രവര്‍ത്തിക്കുന്ന തീവ്ര ഇസ്ലാമിക സംഘടനകള്‍ക്ക് ലഭിച്ച ധനസഹായത്തെക്കുറിച്ച് ഇന്ത്യന്‍ സര്‍ക്കാര്‍ ഉദ്യോഗസ്ഥര്‍ അടുത്തിടെ കടുത്ത ആശങ്ക പ്രകടിപ്പിച്ചിരുന്നു. ഇന്ത്യയില്‍ ഐഎസ് വളര്‍ത്താന്‍ എല്‍ദോഗന്‍ വന്‍ തോതില്‍ ഫണ്ട് നല്‍കുന്നുവെന്നാണ് ഇന്ത്യന്‍ ഇന്റലിജന്‍സ് മുന്നറിയിപ്പ് നല്‍കിയിരുന്നത്.
ലോക ഇസ്ലാമിന്റെ പുതിയ ഖലീഫ ആവാന്‍ നോക്കുന്ന എര്‍ദോഗന്റെ, ഇന്ത്യ വിരുദ്ധ പാകിസ്ഥാന്‍ അനുകൂല നിലപാടുകളെ അമീര്‍ പിന്തുണക്കുന്നുണ്ടോ എന്ന് വ്യക്തമാക്കണമെന്ന് വിമര്‍ശകര്‍ ആവശ്യപ്പെട്ടു. വഷളായിക്കൊണ്ടിരിക്കുന്ന ഇന്ത്യ തുര്‍ക്കി ബന്ധത്തില്‍ താന്‍ ഏത് ഭാഗത്ത് നില്‍ക്കുന്നു എന്ന സന്ദേശം നല്‍കിയതാണോ അമീര്‍ ഖാന്‍ എന്നും ഇവര്‍ ചോദിക്കുന്നു.
ഒന്നാം മോദി സര്‍ക്കാരിനെതിരെ അസഹിഷ്ണുത കാമ്പെയ്ന്‍ തുടങ്ങിവച്ച സെലിബ്രിറ്റികളില്‍ പ്രധാനിയായിരുന്നു അമീര്‍ ഖാന്‍. ഇന്ത്യ അരക്ഷിതമാണെന്നും ഇന്ത്യ വിട്ടുപോകണമെന്ന് ഭാര്യ കിരണ്‍ റാവു പറഞ്ഞുവെന്നുമുള്ള അമീറിന്റെ 2015ലെ പ്രസ്താവന വലിയ വിവാദത്തിന് വഴിവെച്ചിരുന്നു. പിന്നീട് ഇന്ത്യന്‍ ടൂറിസത്തിന്റെ ബ്രാന്‍ഡ് അംബാസഡര്‍ പദവിയില്‍ നിന്ന് അമീറിനെ കേന്ദ്ര സര്‍ക്കാര്‍ നീക്കം ചെയതിരുന്നു.
Discussion about this post