ന്യൂഡൽഹി : വടക്കൻ കശ്മീരിലെ ബരാമുള്ളയിൽ സുരക്ഷാ ഉദ്യോഗസ്ഥർ ഒരു ഭീകരവാദിയെ കൊലപ്പെടുത്തി. ബരാമുള്ളയിലെ ക്രീരിയിലുള്ള സലൂസ ഭാഗത്ത് വെച്ച് നടന്ന എൻകൗണ്ടറിലാണ് ഭീകരവാദി കൊല്ലപ്പെട്ടത്.മരണപ്പെട്ടയാൾ ആരാണെന്ന് ഇതുവരെ തിരിച്ചറിയാനായിട്ടില്ല. സുരക്ഷാ ഉദ്യോഗസ്ഥരും ജമ്മു-കശ്മീർ പോലീസും സംയുക്തമായാണ് സൈനിക നീക്കം നടത്തിയത്. സ്ഥലത്ത് കൂടുതൽ ഭീകരർക്കായുള്ള തിരച്ചിൽ പുരോഗമിക്കുകയാണ്.
ഒളിച്ചിരിക്കുന്ന ഭീകരർ സുരക്ഷാ ഉദ്യോഗസ്ഥർക്കെതിരെ വെടിയുതിർക്കുകയായിരുന്നു.ഇതേ തുടർന്ന്, സൈന്യം നടത്തിയ സൈനിക നീക്കത്തിലാണ് ഒരു തീവ്രവാദി കൊല്ലപ്പെട്ടത്.സ്ഥലത്ത് ഇനിയും ചില ഭീകരർ ഒളിച്ചിരിപ്പുണ്ടെന്നാണ് റിപ്പോർട്ടുകൾ.ഈ ആഴ്ചയിൽ ബാരാമുള്ളയിൽ വെച്ച് തീവ്ര സംഘടനയായ ലഷ്കർ-ഇ-ത്വയ്ബയുടെ 4 കമാന്റർമാരുൾപ്പെടെ അഞ്ചു പേരെ സൈന്യം കൊലപ്പെടുത്തിയിരുന്നു.
Discussion about this post