തിരുവനന്തപുരം: വിമാനത്താവള വിഷയത്തില്‍ എംഎൽഎ ഒ രാജഗോപാലിന് നിയമസഭയിൽ സംസാരിക്കാൻ അവസരം നിഷേധിച്ചെന്ന് ബിജെപി. സ്‌പീക്കര്‍ ശ്രീരാമകൃഷ്‌ണന്‍ കാണിച്ചത് ജനാധിപത്യ വിരുദ്ധതയാണെന്നും ബിജെപി ചൂണ്ടിക്കാട്ടി.
തുടർന്ന് സര്‍ക്കാരിനെതിരെ നിയമസഭയ്ക്ക് പുറത്ത് പ്രതിഷേധിച്ച ബിജെപി നേതാക്കളെ പൊലീസ് അറസ്‌റ്റ് ചെയ്ത് നീക്കി. ബിജെപി അദ്ധ്യക്ഷന്‍ കെ.സുരേന്ദ്രന്‍, ഒ.രാജഗോപാല്‍, അഡ്വ.എസ്.സുരേഷ് ഉള്‍പ്പടെ നേതാക്കളെ ബലം പ്രയോഗിച്ചാണ് പൊലീസ് നീക്കിയത്.
സ്‌പീക്കര്‍ ശ്രീരാമകൃഷ്‌ണനെതിരെയും ബിജെപി ശക്തമായി പ്രതിഷേധിച്ചു. വിമാനത്താവള വിഷയത്തില്‍ ഒ.രാജഗോപാല്‍ എം.എല്‍.എയ്ക്ക് സംസാരിക്കാന്‍ അവസരം നല്‍കിയില്ലെന്ന് കെ.സുരേന്ദ്രന്‍ പറഞ്ഞു. സ്വര്‍ണക്കടത്ത് കേസിലെ പണം പോയത് മുഖ്യമന്ത്രിയിലേക്കാണെന്നും സുരേന്ദ്രന്‍ ആരോപിച്ചു.
Discussion about this post