ഒൻപത് വർഷത്തെ കറകളഞ്ഞ പോലീസ് സേവനത്തിനു ശേഷം കെ.അണ്ണാമലൈ ബിജെപിയിലേക്ക്.ഡൽഹിയിൽ നടന്ന ചടങ്ങിലാണ് ബിജെപി ദേശീയ അധ്യക്ഷൻ ജെ പി നദ്ദ അണ്ണാമലൈയ്ക്ക് പാർട്ടിയുടെ അംഗത്വം നൽകിയത്.അഴിമതി പുരളാത്ത കർണാടക പോലീസിലെ സേവനം ‘സിങ്കം’ എന്ന പേര് ഇദ്ദേഹത്തിന് നേടിക്കൊടുത്തിട്ടുണ്ട്.
തമിഴ്നാട്ടിൽ അടുത്ത വർഷം നിയമസഭ തെരഞ്ഞെടുപ്പ് നടക്കാനിരിക്കെയാണ് കർണാടകക്കാരുടെ സ്വന്തം സിങ്കമായ കെ.അണ്ണാമലൈയുടെ ഈ നീക്കം.പ്രധാനമന്ത്രി നരേന്ദ്രമോദിയോടുള്ള ആദരവാണ് തന്നെ ബിജെപിയിൽ ചേരാനുള്ള തീരുമാനമെടുക്കാൻ പ്രേരിപ്പിച്ചതെന്ന് അദ്ദേഹം പറഞ്ഞു.കഴിഞ്ഞ ഒരു ദശാബ്ദത്തോളം കർണാടകയിൽ അദ്ദേഹം സേവനമനുഷ്ഠിച്ചിരുന്നു.ജനങ്ങൾക്കിടയിൽ നിന്ന് പ്രവർത്തിക്കുന്നതാണ് തനിക്കു താല്പര്യമെന്ന് വ്യക്തമാക്കി 2019 ലാണ് സർവീസിൽ നിന്ന് രാജിവെച്ചത്.
തനിക്ക് പ്രധാനമന്ത്രി നരേന്ദ്ര മോദിയോട് ആരാധനയാണ് എന്നാണ് അണ്ണാമലൈ വ്യക്തമാക്കിയത്.താനൊരു ദേശീയ വാദിയാണെന്നും തമിഴ്നാടിനു പുതിയ കാഴ്ചപ്പാടുകൾ നൽകാൻ ബിജെപിയ്ക്ക് കഴിയുമെന്നാണ് താൻ പ്രതീക്ഷിക്കുന്നതെന്നും കെ.അണ്ണാമലൈ പറഞ്ഞു.
