ഡല്ഹി: അധോലോക നായകന് ദാവൂദ് ഇബ്രാഹിം ഇപ്പോള് നടത്തുന്ന ബിസിനസ് ‘രക്ത വജ്രം’ കടത്താണന്ന് ഇന്ത്യന് രഹസ്യാന്വേഷണ വിഭാഗത്തിന്റെ കണ്ടെത്തല്. ആഫ്രിക്കയിലെയും ദുബായിലെയും വിലപിടിപ്പുള്ള വജ്രങ്ങള് കടത്തുന്നതാണ് ദാവൂദിന്റെ പുതിയ ബിസിനസ്. വജ്രം കടത്തിനിടെ നിരവധി പേര് ഏറ്റുമുട്ടലിലും മറ്റുമായി കൊല്ലപ്പെട്ടിട്ടുള്ളതിനാല് ‘രക്ത വജ്രം’ എന്നാണ് ഇത് വിളിക്കപ്പെടുന്നത്.
കെനിയ, സിംബാബ്വേ എന്നീ രാജ്യങ്ങിലേക്കും ദാവൂദ് അധോലോക ബന്ധം വ്യാപിപ്പിച്ചതായും കണ്ടെത്തിയിട്ടുണ്ട്്. ദേശീയ സുരക്ഷാ ഉപദേഷ്ടാവ് അജിത്ത് ഡോവലിന്റെ നിര്ദേശത്തെ തുടര്ന്നുള്ള അന്വേഷണത്തിലാണ് ഇക്കാര്യം കണ്ടെത്തിയിട്ടുള്ളതെന്ന് ഒരു ദേശീയ പത്രം റിപ്പോര്ട്ട് ചെയ്തു.
നേരത്തേ, ആയുധക്കടത്ത്, കള്ളനോട്ട് എന്നിവയായിരുന്നു ദാവൂദ് ചെയ്തിരുന്നത്. 1993 ലെ മുംബൈ സ്ഫോടനത്തിന്റെ മുഖ്യപ്രതിയുമാണ് ദാവൂദ് ഇബ്രാഹിം. അധോലോക നായകന് ദാവൂദ് ഇബ്രാഹിം പാക്കിസ്ഥാനില് തന്നെ ഉണെ്ടന്നതിനു കൂടുതല് തെളിവുകള് നേരത്തേ പുറത്തു വന്നിരുന്നു. ദാവൂദിന്റെ പുതിയ ചിത്രം രഹസ്യാന്വേഷണ ഏജന്സി പുറത്തുവിടുകയും ചെയ്തിരുന്നു. കറാച്ചിയിലാണു ദാവൂദും കുടുംബവും താമസിക്കുന്നതെന്നും വിവരം ലഭിച്ചിട്ടുണ്ട്. ദാവൂദിന്റെ മൂന്നു പാസ്പോര്ട്ടിന്റെ പകര്പ്പുകളും ലഭിച്ചതായി സുരക്ഷാ ഏജന്സി നേരത്തേ അറിയിച്ചിരുന്നു.
Discussion about this post