വാഷിങ്ടൺ : ഇന്ത്യൻ പ്രധാനമന്ത്രി നരേന്ദ്രമോദി തന്റെ ഏറ്റവും വലിയ സുഹൃത്താണെന്നും അതുകൊണ്ടു തന്നെ, ഇന്ത്യൻ അമേരിക്കക്കാർ തനിക്ക് വോട്ട് ചെയ്യുമെന്നും അമേരിക്കൻ പ്രസിഡന്റ് ഡൊണാൾഡ് ട്രംപ്.വൈറ്റ് ഹൗസിൽ നടന്ന വാർത്താ സമ്മേളനത്തിലാണ് അദ്ദേഹം ഇക്കാര്യം പറഞ്ഞത്. ‘ ഇന്ത്യയിൽ നിന്ന് വലിയ പിന്തുണ ഞങ്ങൾക്കുണ്ട്. നരേന്ദ്രമോദിയും ഞങ്ങളെ പിന്തുണക്കുന്നു. അതുകൊണ്ടു തന്നെ അമേരിക്കയിലുള്ള ഇന്ത്യൻ ജനത എനിക്ക് വോട്ട് ചെയ്യും. ‘ – ട്രംപ് കൂട്ടിച്ചേർത്തു.
ട്രംപ് മത്സരിക്കുന്ന റിപ്പബ്ലിക്കൻ പാർട്ടി തെരഞ്ഞെടുപ്പ് പ്രചരണാർത്ഥം നിർമ്മിച്ച ഹ്രസ്വ വീഡിയോയിൽ അഹമ്മദാബാദിൽ നടന്ന ട്രംപ് – മോദി കൂടിക്കാഴ്ച ഉൾപ്പെടുത്തിയത് സംബന്ധിച്ച് മാധ്യമങ്ങൾ ചോദിച്ചപ്പോഴാണ് അദ്ദേഹം ഇക്കാര്യം പറഞ്ഞത്.2.5 ദശലക്ഷം ഇന്ത്യക്കാർക്ക് അമേരിക്കയിൽ വോട്ടുള്ളത്.മുമ്പ് ഡെമോക്രാറ്റിക് പാർട്ടിയുമായാണ് ഇവർക്ക് അടുപ്പമുണ്ടായിരുന്നതെങ്കിലും ട്രംപ്-മോദി സൗഹൃദത്തിന് ശേഷം റിപ്പബ്ലിക്കൻ പാർട്ടിയുമായി നിരവധി പേർ അടുപ്പം സ്ഥാപിച്ചതായാണ്‌ റിപ്പോർട്ടുകൾ.
