ന്യൂഡൽഹി : ആന്റിജൻ ടെസ്റ്റ് നെഗറ്റീവായാലും പി.സി.ആർ പരിശോധന നടത്തണമെന്ന് സംസ്ഥാനങ്ങളോട് നിർദേശിച്ച് കേന്ദ്രസർക്കാർ.കോവിഡ് രോഗനിർണയത്തിനായി ബുർദ പരിശോധന മാത്രം നടത്തിയാൽ പോരെന്നും കേന്ദ്രസർക്കാർ അറിയിച്ചു.രാജ്യത്ത് കോവിഡ് രോഗം ബാധിക്കുന്നവരുടെ എണ്ണം ക്രമാതീതമായി വർധിക്കുന്ന സാഹചര്യത്തിലാണ് കേന്ദ്ര ആരോഗ്യമന്ത്രാലയം സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും കർശന മാർഗ നിർദേശങ്ങൾ നൽകിയത്.
കോവിഡ് ലക്ഷണങ്ങൾ പ്രകടമാകുന്നവരിൽ ആന്റിജൻ ടെസ്റ്റ് നെഗറ്റീവ് കാണിച്ചാലും നിർബന്ധമായും പി.സി.ആർ ടെസ്റ്റ് അടക്കമുള്ളവ നടത്തി രോഗവിവരം സ്ഥിരീകരിക്കണമെന്നാണ് കേന്ദ്രനിർദ്ദേശം. രോഗവാഹകർ ഇൽ നിന്നും മറ്റുള്ളവരിലേക്ക് രോഗം പടരുന്നത് തടയാൻ വീണ്ടും പരിശോധന നടത്തേണ്ടത് അനിവാര്യമാണ്. രോഗികളെ വളരെ നേരത്തെ തന്നെ കണ്ടെത്തി ഐസൊലേറ്റ് ചെയ്യാനും ഈ നടപടിക്രമം ഉപകരിക്കുമെന്ന് കേന്ദ്ര ആരോഗ്യ മന്ത്രാലയം സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും അയച്ച കത്തിൽ വ്യക്തമാക്കുന്നുണ്ട്.
Discussion about this post