മുംബൈ : ശിവസേനയുമായി സംഘർഷങ്ങൾ തുടരുന്നതിനിടെ മഹാരാഷ്ട്ര ഗവർണർ ഭഗത് സിംഗ് കോശ്യാരിയുമായി കൂടിക്കാഴ്ച്ച നടത്തി ബോളിവുഡ് താരം കങ്കണ റണാവത്.മുംബൈ നഗരത്തെ പാക് അധീന കാശ്മീരിനോടുപമിച്ച താരത്തിനെതിരെ മഹാരാഷ്ട്ര സർക്കാർ അനാവശ്യ നടപടികളെടുക്കുകയാണെന്ന കാര്യം ചർച്ച ചെയ്യുന്നതിനാണ് പ്രധാനമായും ഇത്തരത്തിലൊരു കൂടിക്കാഴ്ച്ച നടത്തിയതെന്നാണ് റിപ്പോർട്ടുകൾ. രാജ്ഭവനിലെത്തിയാണ് കങ്കണ ഗവർണറെ കണ്ടത്.ശിവസേന നേതാക്കൾ തനിക്കെതിരെ നടത്തുന്ന നീക്കങ്ങൾ ഗവർണറുടെ ശ്രദ്ധയിൽപ്പെടുത്തിയതായി കങ്കണ വ്യക്തമാക്കി.
തനിക്കു നീതി ലഭിക്കുമെന്ന് പ്രതീക്ഷയുണ്ടെന്ന് ഗവർണറുമായി കൂടിക്കാഴ്ച നടത്തിയതിനു ശേഷം കങ്കണ മാധ്യമങ്ങളോട് പറഞ്ഞു.കങ്കണയുടെ മുംബൈയിലെ ഓഫീസ് ഭാഗികമായി പൊളിച്ചു നീക്കിയതിനു പിന്നാലെയാണ് താരം ഗവർണറെ കണ്ടത്. മുംബൈ കോർപ്പറേഷന്റെ നടപടിയിൽ മഹാരാഷ്ട്ര ഗവർണർ ഭഗത് സിംഗ് കോശ്യാരി അതൃപ്തി രേഖപ്പെടുത്തിയിരുന്നതായി മുമ്പ് ദേശീയ മാധ്യമങ്ങൾ റിപ്പോർട്ട് ചെയ്തിരുന്നു.
Discussion about this post