കശ്മീർ : ഗാൽവൻ അതിർത്തിയിൽ ചൈനയുമായുണ്ടായ സംഘർഷത്തിൽ വീരമൃത്യു വരിച്ച സൈനികർക്ക് സ്മാരകം നിർമ്മിച്ച് ഇന്ത്യൻ സൈന്യം. ഏറ്റുമുട്ടലിൽ കൊല്ലപ്പെട്ട ഇരുപത് സൈനികരുടെ ഓർമ്മയ്ക്കായി അന്താരാഷ്ട്ര അതിർത്തിക്ക് സമീപമാണ് സ്മാരകം നിർമ്മിച്ചിരിക്കുന്നത്. വീരമൃത്യു വരിച്ച 20 സൈനികരുടെയും പേരുകൾ സ്മാരകത്തിൽ രേഖപ്പെടുത്തിയിട്ടുണ്ട്. ലഡാക്കിലെ ദർബുക്, ഷിയോക്, ദൗലത് എന്നീ തന്ത്രപ്രധാനമായ റോഡുകളെ തമ്മിൽ ബന്ധിപ്പിക്കുന്ന പോസ്റ്റായ കെ.എം 120 നു സമീപമായാണ് സ്മാരകം പണികഴിപ്പിച്ചിരിക്കുന്നത്.
ഗാൽവനിൽ സംഘർഷമുണ്ടാവുന്നത് ജൂൺ 15നാണ്. സംഘർഷത്തിൽ ഇന്ത്യ തങ്ങളുടെ ഭാഗത്തുണ്ടായ നാശനഷ്ടങ്ങളുടെ കൃത്യമായ കണക്ക് പുറത്തു വിട്ടിട്ടും ചൈനയ്ക്കുണ്ടായ നഷ്ടങ്ങളുടെ വിവരങ്ങൾ ഇതുവരെ വെളിപ്പെടുത്താൻ രാജ്യം തയ്യാറായിട്ടില്ല. ചൈനയ്ക്കുണ്ടായ നാശനഷ്ടങ്ങൾ ഇന്ത്യയെക്കാൾ കുറവാണെന്ന വാദം ചൈന ഉയർത്തിക്കാട്ടുന്നുണ്ടെങ്കിലും ഏറ്റുമുട്ടലിൽ മുപ്പത്തിയഞ്ചിലുമധികം ചൈനീസ് സൈനികർ കൊല്ലപ്പെട്ടിട്ടുണ്ടെന്നാണ് അന്താരാഷ്ട്ര മാധ്യമങ്ങളുൾപ്പെടെ റിപ്പോർട്ട് ചെയ്തത്.
Discussion about this post