കണ്ണൂര്‍: തനിക്കെതിരേ വധഭീഷണിയെന്ന് വെളിപ്പെടുത്തലുമായി കെ.എം. ഷാജി എം.എല്‍.എ. തന്നെ കൊലപ്പെടുത്താന്‍ മുംബൈ ഗുണ്ടാസംഘത്തിന് ക്വട്ടേഷന്‍ നല്‍കിയെന്ന് മുഖ്യമന്ത്രിക്കും സ്പീക്കര്‍ക്കും ഡി.ജി.പിക്കും പരാതി നല്‍കിയതായും ഷാജി അറിയിച്ചു.
തന്‍റെ നിലപാടുകളുടെ പേരിലാണ് ഭീഷണിയുണ്ടായിരിക്കുന്നത്. ഇതിനു പിന്നില്‍ മുംബൈയിലെ ഗുണ്ടാസംഘമാണ്. 25 ലക്ഷം രൂപക്ക് മുംബൈ അധോലോക സംഘത്തിന് ക്വട്ടേഷന്‍ ഉറപ്പിച്ച ഓഡിയോ ക്ലിപ്പ് ഉടന്‍ പുറത്തു വിടുമെന്ന് കെ.എം ഷാജി അറിയിച്ചു.
കണ്ണൂരിലെ പാപ്പിനിശേരി ഗ്രാമത്തില്‍ നിന്നാണ് ഗൂഢാലോചന നടന്നത്. 25 ലക്ഷം രൂപയ്ക്ക് ബോംബെ അധോലോക സംഘത്തിന് ക്വട്ടേഷന്‍ ഉറപ്പിച്ച ഓഡിയോ ക്ലിപ്പ് ഉടന്‍ പുറത്തു വിടുമെന്ന് കെ.എം ഷാജി അറിയിച്ചു.
ശബ്ദരേഖയടക്കമാണ് കെ.എം.ഷാജി പരാതി നല്‍കിയിരിക്കുന്നത്. ടി. പി ചന്ദ്രശേഖരന്‍ വധക്കേസിലെ പ്രതികളെ ഒളിപ്പിച്ചവര്‍ക്ക് ഇതുമായി ബന്ധമുണ്ടെന്ന് കരുതുന്നെന്നും പരാതിയില്‍ പറയുന്നു.
Discussion about this post