കൊച്ചി : സംസ്ഥാനത്തെ പത്ത് ജില്ലകളിൽ നിരോധനാജ്ഞ തുടരും. സംസ്ഥാനത്ത് ദിനംപ്രതി കോവിഡ് ബാധിതരുടെയെണ്ണം വർദ്ധിച്ചു വരുന്ന സാഹചര്യം കണക്കിലെടുത്ത് നവംബർ 15 വരെയായിരിക്കും നിരോധനാജ്ഞ തുടരുക.
നിരോധനാജ്ഞ തുടരുന്ന കാര്യത്തിൽ ജില്ലാ കളക്ടർമാർക്ക് തീരുമാനമെടുക്കാമെന്ന് നേരത്തെ സർക്കാർ വ്യക്തമാക്കിയിരുന്നു. എറണാകുളം, തൃശ്ശൂർ, മലപ്പുറം, ആലപ്പുഴ, പത്തനംതിട്ട, കൊല്ലം, കണ്ണൂർ, കോട്ടയം, ഇടുക്കി എന്നീ ജില്ലകളിലായിരിക്കും 15 ദിവസം കൂടി നിരോധനാജ്ഞ തുടരുക.
അതേസമയം, കോഴിക്കോട് ജില്ലയിൽ ഒരാഴ്ച കൂടി നിരോധനാജ്ഞ തുടരുമെന്നും ബാക്കി കാര്യങ്ങൾ ജനപ്രതിനിധികളുൾപ്പെടെയുള്ളവരുമായി ചർച്ച ചെയ്ത് തീരുമാനിക്കുമെന്നും കളക്ടർ അറിയിച്ചിട്ടുണ്ട്. തിരുവനന്തപുരം, പാലക്കാട് ജില്ലകളിൽ ഇതു സംബന്ധിച്ച് ഇന്ന് തീരുമാനമുണ്ടാകും. നിലവിലുള്ളതു പോലെ, നിരോധനാജ്ഞ നീട്ടുമ്പോൾ വിവാഹച്ചടങ്ങുകളിൽ 50 പേരെയും മരണാനന്തര ചടങ്ങുകൾ 20 പേരെയും മാത്രമെ അനുവദിക്കൂ. മാത്രമല്ല, പൊതുസ്ഥലങ്ങളിൽ അഞ്ചു പേരിൽ കൂടുതൽ കൂട്ടം കൂടാനും അനുവദിക്കില്ല.
Discussion about this post