ഡല്ഹി : ആര്എസ്എസിന്റെ സമന്വയ ബൈഠക്കില് പ്രധാനമന്ത്രി നരേന്ദ്ര മോദിയും പങ്കെടുത്തത് മകന് അമ്മയുടെ അടുത്തേക്ക് പോകുന്നത് പോലെയാണെന്ന് പാര്ലമെന്റി കാര്യമന്ത്രി വെങ്കയ്യ നായിഡു. ഒരു മകന് അമ്മയുടെ അടുത്തു പോകുന്നതിനെ ആര്ക്കാണ് തെറ്റു പറയാനാവുകയെന്നും നായിഡു ചോദിച്ചു.
ആര്എസ്എസ് ദേശീയ സംഘടനയാണ്. ആര്എസ്എസുമായും എബിവിപിയുമായും ബിജെപി നിരന്തരം സമ്പര്ക്കം പുലര്ത്താറുണ്ട്. രാജ്യഭരണത്തിന് സര്ക്കാരിന് ഒരു ദേശീയ അജണ്ടയുണ്ട്. അതുപ്രകാരമാണ് മുന്നോട്ടു പോകുന്നത്. ആര്എസ്എസുമായുള്ള സമ്പര്ക്കത്തെ അതുമായി ബന്ധിപ്പിക്കുന്നത് തന്നെ അത്ഭുതപ്പെടുത്തുന്നു-വെങ്കയ്നായിഡു പറഞ്ഞു.
ആര്എസ്എസുമായി ആശയങ്ങള് പങ്കുവയ്ക്കുന്നതില് നിയമവിരുദ്ധമായി യാതൊന്നുമില്ല. ജന്പഥിലെ തന്റെ വസതിയിലിരുന്ന് യുപിഎ സര്ക്കാരിനെ നിയന്ത്രിച്ചിരുന്ന സോണിയ ഗാന്ധിയുടേതാണ് നിയമവിരുദ്ധമായ പ്രവൃത്തി. അത്തരത്തിലുള്ള പ്രവൃത്തി ബിജെപി മന്ത്രിമാര് ചെയ്യാറില്ലെന്നും അദ്ദേഹം അഭിപ്രായപ്പെട്ടു.
സമന്വയ ബൈഠക്കില് പ്രധാനമന്ത്രിയും മറ്റ് മന്ത്രിമാരും പങ്കെടുത്തത് കോണ്ഗ്രസ് വിമര്ശിച്ചിരുന്നു. ഇതിന് മറുപടിയായാണ് വെങ്കയ്യ നായിഡുവിന്റെ പ്രതികരണം.
കേന്ദ്ര ഭരണം ശരിയായ ദിശയിലാണ് പോകുന്നതെന്നും, ജനങ്ങളുടെ അജണ്ടയാണ് സര്ക്കാരിന്റെതെന്നും ആര്എസ്എസ് അഖിലേന്ത്യ ജോയിന്റെ സെക്രട്ടറി ദത്താത്രയേ ഹോസബലെ ഇന്നലെ വ്യക്തമാക്കിയിരുന്നു.
Discussion about this post