കൊല്‍ക്കത്ത: പശ്ചിമ ബംഗാളില്‍ കേന്ദ്രസേനയെ ഇറക്കണമെന്ന് ബിജെപി ദേശീയ ജനറല്‍ സെക്രട്ടറി കൈലാഷ് വിജയ് വര്‍ഗീയ. സംസ്ഥാനത്തെ രാഷ്ട്രീയ ആക്രമണങ്ങളും തീവ്രവാദ പ്രവര്‍ത്തനങ്ങളും തടയാന്‍ ഉടന്‍ കേന്ദ്രസേനയെ ഇറക്കണമെന്നും തൃണമൂല്‍ കോണ്‍ഗ്രസ് അധികാരം പിടിക്കാന്‍ ആക്രമണങ്ങള്‍ നടത്തുകയാണെന്നും കൈലാഷ് പറഞ്ഞു.
2021 ഏപ്രില്‍-മെയ് മാസങ്ങളില്‍ നിയമസഭാ തിരഞ്ഞെടുപ്പ് നടക്കാനിരിക്കെ, സ്വതന്ത്രവും നീതിയുക്തവുമായ തിരഞ്ഞെടുപ്പ് ഉറപ്പാക്കാന്‍ കൈലാഷ് വിജയ് വര്‍ഗീയ തിരഞ്ഞെടുപ്പ് കമ്മീഷനോട് അഭ്യര്‍ത്ഥിച്ചു.
ഭയത്തിനും അക്രമത്തിനും ഒരിടവും പാടില്ലെന്നും മമതയുടെ കാലിനടിയിലെ മണ്ണ് ഒലിച്ചു പോകുന്നതിനാല്‍ അക്രമത്തിലൂടെ അധികാരം പിടിച്ചെടുക്കാന്‍ ശ്രമിക്കുകയാണെന്നും കൈലാഷ് വ്യക്തമാക്കി.
പശ്ചിമ ബംഗാളിലെ ക്രമസമാധാന നില തകരാറിലാണെന്ന് ഗവര്‍ണര്‍ ജഗദീപ് ധങ്കര്‍ കേന്ദ്രത്തിന് റിപ്പോര്‍ട്ട് നല്‍കിയിരുന്നു.
Discussion about this post