യു.കെ വിദേശകാര്യ സെക്രട്ടറി ഡൊമിനിക് റാബുമായി കൂടിക്കാഴ്ച നടത്തി പ്രധാനമന്ത്രി നരേന്ദ്രമോദി. ഇന്ത്യ-യു.കെ സഹകരണത്തിൽ തെളിയുന്നത് അനന്തമായ സാധ്യതകളാണെന്ന് കൂടിക്കാഴ്ചയ്ക്ക് ശേഷം പ്രധാനമന്ത്രി നരേന്ദ്ര മോദി ട്വിറ്ററിൽ കുറിച്ചു.
നാലു ദിവസത്തെ ഇന്ത്യ സന്ദർശനത്തിനായി കഴിഞ്ഞ ദിവസമാണ് ഡൊമിനിക് റാബ് ഇന്ത്യയിലെത്തിയത്. ഇന്ത്യയുടെ റിപ്പബ്ലിക്ക് ദിനാഘോഷങ്ങളിൽ പങ്കെടുക്കാൻ മുഖ്യാഥിതിയായി ബ്രിട്ടീഷ് പ്രധാനമന്ത്രി ബോറിസ് ജോൺസൺ എത്തുന്നതിനായി താൻ കാത്തിരിക്കുകയാണെന്നും നരേന്ദ്ര മോദി ട്വീറ്റിൽ കൂട്ടിചേർത്തിട്ടുണ്ട്. നവംബർ 27 ന് നടത്തിയ ടെലിഫോൺ സംഭാഷണത്തിലാണ് റിപ്പബ്ലിക് ദിനത്തിൽ വിശിഷ്ടാതിഥിയായി ബോറിസ് ജോൺസനെ പ്രധാനമന്ത്രി നരേന്ദ്രമോദി ഇന്ത്യയിലേക്ക് ക്ഷണിച്ചത്.
ബ്രിട്ടീഷ് പ്രധാനമന്ത്രി നരേന്ദ്ര മോദിയുടെ ക്ഷണം സ്വീകരിച്ച വിവരം ഡൊമിനിക് റാബ് ഇന്നലെ ഔദ്യോഗികമായി സ്ഥിരീകരിക്കുകയായിരുന്നു. യുകെ ആതിഥേയത്വം വഹിക്കുന്ന ജി 7 ഉച്ചകോടിയിൽ പങ്കെടുക്കാൻ ഇന്ത്യയുടെ പ്രധാനമന്ത്രി നരേന്ദ്രമോദിയെ ബ്രിട്ടീഷ് പ്രധാനമന്ത്രി ബോറിസ് ജോൺസനും ക്ഷണിച്ചിട്ടുണ്ട്. കഴിഞ്ഞ ദിവസം വിദേശകാര്യ മന്ത്രി എസ് ജയശങ്കറുമായി ഡൊമിനിക് റാബ് കൂടിക്കാഴ്ച നടത്തിയിരുന്നു.
Excellent meeting with @DominicRaab, UK Secretary of State of @FCDOGovUK. Discussed the vast potential of the India-UK partnership in the post-COVID, post-BREXIT world. Looking forward to next month's visit by PM @BorisJohnson as Chief Guest at our Republic Day celebrations. pic.twitter.com/E8cpkqbOJT
— Narendra Modi (@narendramodi) December 16, 2020
Discussion about this post