2021-ലെ നിയമസഭാ തിരഞ്ഞെടുപ്പിനു മുന്നോടിയായി പശ്ചിമ ബംഗാളിൽ തൃണമൂൽ കോൺഗ്രസിൽ നിന്നും നേതാക്കളുടെ കൊഴിഞ്ഞു പോക്ക് തുടരുന്നു. നേരത്തെ, മുതിർന്ന രാഷ്ട്രീയ നേതാവായ സുവേന്ദു അധികാരി എംഎൽഎ സ്ഥാനം രാജി വെച്ചിരുന്നു. ഇതിനുപിന്നാലെ മാൽഡയിലെ അഞ്ച് നേതാക്കളാണ് പാർട്ടിയിൽ നിന്നും രാജി വെച്ചിരിക്കുന്നത്.
രാജി സമർപ്പിച്ചത് തൃണമൂൽ കോൺഗ്രസിന്റെ ഗോബിന്ദാപൂർ-മഹേഷ്പൂർ, ബാമൺ ഗോല, പക്വ ഹാറ്റ്, ജോഗ്ഗോഡോൾ, ചന്ദ്പൂർ എന്നീ ബ്ലോക്കുകളിലെ പ്രസിഡന്റുമാരാണ്. രാജിവെച്ച നേതാക്കൾ ബിജെപിയിൽ ചേർന്നേക്കുമെന്നുള്ള അഭ്യൂഹങ്ങൾ ശക്തമാണ്.
അതേസമയം, ഈ രാജികൾ പ്രധാനമല്ലെന്നും ജില്ലയിലെ എല്ലാ പ്രദേശങ്ങളിലും കമ്മിറ്റികൾ രൂപീകരിക്കുകയാണെന്നും വ്യക്തമാക്കി മാൽഡ ജില്ലാ തൃണമൂൽ കോൺഗ്രസ് കോർഡിനേറ്റർ ബാബ്ല സർക്കാർ രംഗത്തു വന്നിട്ടുണ്ട്.
Discussion about this post