“ഇന്ത്യൻ വിപണിയിൽ അനന്ത സാധ്യതകൾ” : ഖത്തറിലെ നിക്ഷേപകരെ ക്ഷണിച്ച് വിദേശകാര്യ മന്ത്രി എസ്.ജയശങ്കർ

ദോഹ: ഇന്ത്യയുടെ നിക്ഷേപ അവസരങ്ങളിലേക്ക് ഖത്തറിലെ വ്യവസായികളെയും നിക്ഷേപകരെയും ക്ഷണിച്ച് വിദേശകാര്യ മന്ത്രി ഡോ. എസ് ജയശങ്കർ. ഷെറാട്ടൺ ഹോട്ടലിൽ ഖത്തർ ചേംബർ,

ഖത്തർ ബിസിനസ്മെൻ അസോസിയേഷൻ അധികൃതരുമായി അദ്ദേഹം കൂടിക്കാഴ്ച നടത്തിയിരുന്നു. ഈ കൂടിക്കാഴ്ചയിലാണ് ഖത്തറിലെ വ്യവസായികളെ ഇന്ത്യയിൽ നിക്ഷേപത്തിനായി കേന്ദ്രമന്ത്രി ക്ഷണിച്ചത്. ചർച്ചയിൽ ഇന്ത്യയുടെ വിവിധ സാമ്പത്തിക മേഖലകളിലെ മികച്ച നിക്ഷേപ അവസരങ്ങളെ കുറിച്ച് കേന്ദ്രമന്ത്രി വിശദീകരിച്ചു. ഖത്തർ-ഇന്ത്യ സ്വകാര്യ മേഖലകൾക്കിടയിലെ വാണിജ്യ-വ്യവസായ- നിക്ഷേപ അവസരങ്ങളും ചർച്ചാവിഷയമായി. കോവിഡ് പ്രതിസന്ധിയിലും ഇരു രാജ്യങ്ങളും തമ്മിലുള്ള വ്യാപാര മൂല്യം 1,050 ആണ്‌. ഖത്തർ ബിസിനസ്മെൻ അധ്യക്ഷൻ, കോവിഡിനു ശേഷം ഇന്ത്യ സന്ദർശനത്തിലൂടെ സഹകരണം ശക്തിപ്പെടുത്താനുള്ള താല്പര്യമറിയിച്ചു.

കേന്ദ്രമന്ത്രി ഖത്തർ ചേംബർ, ഖത്തർ ബിസിനസ്മെൻ അസോസിയേഷൻ അധികൃതരുമായി നടത്തിയ കൂടിക്കാഴ്ച ഇരു രാജ്യങ്ങളിലേയും സ്വകാര്യ മേഖലകൾ തമ്മിലുള്ള സഹകരണം ശക്തിപ്പെടുത്താൻ സഹായകമായേക്കുമെന്നാണ് വിലയിരുത്തൽ.