നെയ്യാറ്റിന്‍കരയില്‍ ആത്മഹത്യാശ്രമത്തിനിടെ പൊള്ളലേറ്റ് മരിച്ച ദമ്പതികളുടെ സംസ്കാര ചടങ്ങില്‍ പങ്കെടുത്ത് ബി ജെ പി സംസ്ഥാന വക്താവ് സന്ദീപ് ജി വാര്യര്‍. സര്‍ക്കാര്‍ ഇവര്‍ക്ക് നല്‍കിയ വാഗ്ദാനങ്ങള്‍ പാലിക്കണം. ഉത്തരവാദികളായ പോലീസ് ഉദ്യോഗസ്ഥര്‍ക്കെതിരെ ശക്തമായ നടപടി ഉണ്ടാകണമെന്നും അദ്ദേഹം പറഞ്ഞു. തലസ്ഥാന ജില്ലയില്‍ മനുഷ്യര്‍ക്ക് തകര ഷെഡില്‍ താമസിക്കേണ്ടി വരുന്ന അവസ്ഥ ദയനീയമാണ്. ഈ പാവങ്ങള്‍ക്ക് നീതി ലഭിക്കാനുള്ള പോരാട്ടം ബിജെപി ഏറ്റെടുക്കുന്നു എന്നും അദ്ദേഹം തന്റെ ഫേസ്ബുക്ക് പോസ്റ്റിലൂടെ പറഞ്ഞു.
സന്ദീപിന്റെ ഫേസ്ബുക്ക് കുറിപ്പിന്റെ പൂര്‍ണരൂപം:
തിരുവനന്തപുരം നെയ്യാറ്റിന്‍കരയില്‍ ആത്മഹത്യാശ്രമത്തിനിടെ പൊള്ളലേറ്റ് മരിച്ച ദമ്പതികളില്‍ , രാജന്റെ ഭാര്യ അമ്പിളിയുടെ സംസ്കാര ചടങ്ങില്‍ പങ്കെടുത്തു. മാതാപിതാക്കള്‍ നഷ്ടപ്പെട്ട രാഹുലിനെയും രഞ്ജിത്തിനെയും ആശ്വസിപ്പിക്കാന്‍ വാക്കുകളുണ്ടായിരുന്നില്ല .
സര്‍ക്കാര്‍ ഇവര്‍ക്ക് നല്‍കിയ വാഗ്ദാനങ്ങള്‍ പാലിക്കണം . ഉത്തരവാദികളായ പോലീസ് ഉദ്യോഗസ്ഥര്‍ക്കെതിരെ ശക്തമായ നടപടി ഉണ്ടാകണം.
ഈ കോളനിയില്‍ നിരവധി പേര്‍ക്ക് പട്ടയം പോലും ലഭിച്ചിട്ടില്ല. തലസ്ഥാന ജില്ലയില്‍ മനുഷ്യര്‍ക്ക് തകര ഷെഡില്‍ താമസിക്കേണ്ടി വരുന്ന അവസ്ഥ ദയനീയമാണ് .
ഈ പാവങ്ങള്‍ക്ക് നീതി ലഭിക്കാനുള്ള പോരാട്ടം ബിജെപി ഏറ്റെടുക്കുന്നു.
Discussion about this post