വര്ക്കല: കിണറ്റില് വീണ വീട്ടമ്മയേയും രക്ഷിക്കാനിറങ്ങിയ യുവാക്കളെയും അഗ്നിരക്ഷാസേന രക്ഷപ്പെടുത്തി. ചെറുന്നിയൂര് ദളവാപുരം ഏറാത്തുവിളവീട്ടില് സലിമിന്റെ ഭാര്യ ഷംനയാണ് (35) ശനിയാഴ്ച രാത്രി 8.45ഓടെ 60 അടി താഴ്ചയും 15 അടിയോളം വെളളവുമുളള കിണറ്റില് വീണത്.
ഈ സമയം അതുവഴി വന്ന സമീപവാസികളായ അനില്, സാബു എന്നിവര് ഉടന്തന്നെ കയറുമായി കിണറ്റിലിറങ്ങുകയും പൈപ്പില് പിടിച്ചുകിടന്ന ഷംനയെ കയറില് കെട്ടിയ ശേഷം പിടിച്ചു നിറുത്തുകയും ചെയ്തു. എന്നാല് മൂവര്ക്കും തിരികെ കയറാന് പറ്റിയില്ല. ഒടുവിൽ നാട്ടുകാർ അറിയിച്ചതിനെ തുടർന്ന് അഗ്നിരക്ഷാസേന എത്തിയാണ് മൂവരെയും പുറത്തെത്തിച്ചത്.
ഷംനയെ വര്ക്കല താലൂക്ക് ആശുപത്രിയില് പ്രവേശിപ്പിച്ചു. വര്ക്കല അഗ്നിരക്ഷാനിലയം ഗ്രേഡ് അസി. സ്റ്റേഷന് ഓഫീസര് ബൈജുവിന്റെ നേതൃത്വത്തില് അംജിത്, ബിനീഷ്, അരുണ്കുമാര്, ശ്രീകുമാര്, രതീഷ് കുമാര്, അജിത് തുടങ്ങിയവര് ചെര്ന്നാണ് രക്ഷാപ്രവര്ത്തനം നടത്തിയത്.
Discussion about this post