ഡല്ഹി: കാര്ഷിക നിയമഭേദഗതിക്ക് താത്കാലിക സ്റ്റേ അനുവദിച്ച് സുപ്രീം കോടതി. വിഷയം പരിഗണിക്കാന് നാലംഗ വിദഗ്ധ സമിതിയെ രൂപീകരിച്ചു. ഈ സമിതിയുടെ റിപ്പോര്ട്ടിനു ശേഷമേ അന്തിമ തീരുമാനം ഉണ്ടാകൂ. എല്ലാവരുടേയും പരാതികള് ഈ സമിതി പരിഗണിക്കും. സമിതിയെ തടയിടാന് ആര്ക്കുമാവില്ല. കര്ഷകര് സഹകരിച്ചേ മതിയാകുമെന്നും ഇതു രാഷ്ട്രീയമല്ലെന്നും കോടതി പറഞ്ഞു.
കര്ഷകരെ പ്രതിനിധീകരിക്കുന്ന മൂന്ന് അഭിഭാഷകര് ഹാജരാകാത്തത്തില് ചീഫ് ജസ്റ്റിസ് അതൃപ്തി രേഖപ്പെടുത്തി. സമിതിയുമായി പൂര്ണമായി സഹകരിക്കുമെന്ന് കേന്ദ്രം കോടതിയെ അറിയിച്ചു.
സമിതി രൂപീകരിക്കുന്നതില് കേന്ദ്ര സര്ക്കരിന് എതിര്പ്പില്ലെന്ന് സോളിസിറ്റര് ജനറല് കോടതിയെ അറിയിച്ചിരുന്നു. കര്ഷകരുമായി പ്രധാനമന്ത്രി നരേന്ദ്ര മോദി ചര്ച്ച നടത്തണമെന്ന് നിര്ദേശിക്കാനാകില്ലെന്ന് കോടതി അറിയിച്ചു.
Discussion about this post