ഡൽഹി: കർഷക സമരത്തിന്റെ പേരിൽ ഡൽഹിയിൽ നടന്ന അതിക്രമങ്ങളിൽ പ്രതിപക്ഷത്തിനെതിരെ രൂക്ഷ വിമർശനവുമായി ബിജെപി. റിപ്പബ്ലിക് ദിനത്തെ അവഹേളിക്കാൻ ഖാലിസ്ഥാൻ ഭീകരർ നടത്തിയ ആക്രമണത്തിന് കോൺഗ്രസും ഇടത് പാർട്ടികളും പ്രചോദനം നൽകിയതായി കേന്ദ്ര മന്ത്രി പ്രകാശ് ജാവ്ദേക്കർ അറിയിച്ചു.
കോൺഗ്രസ്സുകാരും ഇടത് പാർട്ടികളും അക്ഷരാർത്ഥത്തിൽ നിരാശരാണ്. തെരഞ്ഞെടുപ്പുകളിലെല്ലാം അവർ തോൽക്കുകയാണ്. തോല്വിയുടെ അപമാനം പങ്ക് വെക്കാനാണ് അവർ ബംഗാളിൽ ഒരുമിച്ച് മത്സരിക്കുന്നത്. തോറ്റ് തുന്നം പാടിയാലും അവർ ഓടി നടന്ന് രാജ്യത്തെ അസ്ഥിരപ്പെടുത്താൻ ശ്രമിക്കുകയാണെന്നും കേന്ദ്ര മന്ത്രി ആരോപിച്ചു.
കമ്മ്യൂണിസ്റ്റുകാർ രാജ്യദ്രോഹികൾക്കൊപ്പമാണെന്ന് വ്യക്തമാക്കി കഴിഞ്ഞു. തോറ്റ് ശീലിച്ച കോൺഗ്രസും അവർക്കൊപ്പം കൂടുകയാണ്. രാജ്യദ്രോഹികളെ രാഹുൽ ഗാന്ധി പരസ്യമായി പിന്തുണയ്ക്കുകയാണ്. പൗരത്വ നിയമ ഭേദഗതിക്കെതിരെ ഇസ്ലാമിക ഭീകരർ രാജ്യത്ത് കലാപം അഴിച്ചു വിട്ടപ്പോഴും ഇവർ ഒരുമിച്ചായിരുന്നുവെന്നും കേന്ദ്ര മന്ത്രി പ്രകാശ് ജാവ്ദേക്കർ ഓർമ്മിപ്പിച്ചു.
