ഡൽഹി: പൊതുബജറ്റിന് മുന്നോടിയായി 2020-21 വർഷത്തെ സാമ്പത്തിക സർവ്വേ കേന്ദ്ര ധനകാര്യ വകുപ്പ് മന്ത്രി നിർമ്മല സീതാരാമൻ ഇന്ന് പാർലമെന്റിൽ അവതരിപ്പിക്കും. കഴിഞ്ഞ സാമ്പത്തിക വർഷത്തെ സാമ്പത്തിക പുരോഗതിയുടെ ആകെ വിവരം സർവ്വേയിൽ അവതരിപ്പിക്കും.
അടിസ്ഥാന സൗകര്യ വികസനം, കാർഷിക- വ്യാവസായിക ഉദ്പാദനം, തൊഴിൽ, വില, കയറ്റുമതി, ഇറക്കുമതി, ധന വിനിയോഗം, വിദേശനാണ്യ ശേഖരം, തുടങ്ങി ബജറ്റും സമ്പദ്ഘടനയുമായി ബന്ധപ്പെട്ട വിവരങ്ങൾ സർവ്വേയിൽ വിശകലനം ചെയ്യും. സാമ്പത്തിക വളർച്ചാ പ്രവചനം, സമ്പദ്ഘടനയുടെ കാലിക സ്ഥിതിയുടെ കാരണ വിശകലനം, എന്നിവയും സർവ്വേയിൽ ഉണ്ടാകും. സാമ്പത്തിക പരിഷ്കരണ നടപടികളെക്കുറിച്ചുള്ള സൂചനയും സർവ്വേയിൽ ഉണ്ടാകും.
ധനകാര്യ മന്ത്രി സാമ്പത്തിക സർവ്വേ അവതരിപ്പിച്ചതിന് ശേഷം മുഖ്യ സാമ്പത്തിക ഉപദേഷ്ടാവ് കെ വി സുബ്രഹ്മണ്യൻ വാർത്താ സമ്മേളനത്തെ അഭിസംബോധന ചെയ്യും.
Discussion about this post