കർഷക സമരത്തിലെ ഇന്ത്യാ വിരുദ്ധ ഇടപെടൽ; വിദേശ ശക്തികൾക്കെതിരെ ഒരുമിക്കാൻ ആഹ്വാനം നൽകി അമിത് ഷാ

ഡൽഹി: കർഷക സമരത്തിലെ ഇന്ത്യാ വിരുദ്ധ ഇടപെടലുകൾക്കെതിരെ ശക്തമായ പ്രതികരണവുമായി കേന്ദ്ര ആഭ്യന്തര മന്ത്രി അമിത് ഷാ. ഇന്ത്യയുടെ അഖണ്ഡതയെ ശിഥിലമാക്കാൻ വിദേശ ഗൂഢാലോചനകൾക്ക് സാധിക്കില്ലെന്ന് അദ്ദേഹം വ്യക്തമാക്കി.

ഗൂഢാലോചനകൾക്കും കുപ്രചാരണങ്ങൾക്കും ഇന്ത്യയുടെ വിധി മാറ്റിയെഴുതാൻ കഴിയില്ല. വികസനത്തിലൂടെ മാത്രമാണ് അത് സാധ്യമാകുക. പുരോഗതിക്കായി ഇന്ത്യ ഒരുമിച്ച് നിൽക്കുമെന്നും ഐക്യത്തോടെ അത് നേടിയെടുക്കുമെന്നും അദ്ദേഹം ട്വീറ്റ് ചെയ്തു.

No propaganda can deter India’s unity!

No propaganda can stop India to attain new heights!

Propaganda can not decide India’s fate only ‘Progress’ can.

India stands united and together to achieve progress.#IndiaAgainstPropaganda#IndiaTogether https://t.co/ZJXYzGieCt

— Amit Shah (Modi Ka Parivar) (@AmitShah) February 3, 2021

അതേസമയം കർഷക സമരവുമായി ബന്ധപ്പെട്ട വിഷയത്തിലെ വിദേശ സെലിബ്രിറ്റികളുടെ പ്രസ്താവനകൾക്കെതിരെ ശക്തമായ പ്രതിരോധവുമായി ഇന്ത്യൻ സെലിബ്രിറ്റികൾ രംഗത്തെത്തി. കർഷക സമരങ്ങളുടെ മറവിൽ ഇന്ത്യയെ അപമാനിക്കാൻ ശ്രമിച്ച പോപ് ഗായിക റിഹാന, പോൺ താരം മിയ ഖലീഫ്, ഗ്രേറ്റ ത്യുൻബെ എന്നിവർക്ക് ശക്തമായ മറുപടിയുമായി സച്ചിൻ ടെണ്ടുൽക്കർ, അനിൽ കുംബ്ലെ, അക്ഷയ് കുമാർ, സുനിൽ ഷെട്ടി, അജയ് ദേവ്ഗൺ, കങ്കണ റണാവത്ത് എന്നിവർ ഹാഷ്ടാഗ് ക്യാമ്പെയിനിൽ പങ്കാളികളായി.