ഡൽഹി: അയോധ്യയിലെ രാമക്ഷേത്ര നിർമ്മാണത്തിനുള്ള സംഭാവനകൾ നാനാഭാഗത്ത് നിന്നും പ്രവഹിക്കുന്നു. ഉത്തർ പ്രദേശിലെ റായ്ബറേലിയിൽ നിന്നുമുള്ള കോൺഗ്രസ് എം എൽ എ അദിതി സിംഗ് ക്ഷേത്ര നിർമ്മാണത്തിനുള്ള സംഭാവനയായി അമ്പത്തിയൊന്ന് ലക്ഷം രൂപ നൽകി. തുക എം എൽ എ വിശ്വ ഹിന്ദു പരിഷത്തിനെ നേരിട്ട് ഏൽപ്പിക്കുകയായിരുന്നു.
എന്റെയും എന്റെ ടീമിന്റെയും സംഭാവനയായി ഈ തുക ഞാൻ വിശ്വ ഹിന്ദു പരിഷത്തിനെ ഏൽപ്പിക്കുകയാണ്. ഈ സംരംഭത്തിൽ പങ്കാളികളായ എല്ലാവർക്കും വേണ്ടി സർവ്വേശ്വരനോട് പ്രാർത്ഥിക്കുന്നു, ജയ് ശ്രീറാം. സംഭാവന നൽകിയ ശേഷം അദിതി സിംഗ് മാദ്ധ്യമ പ്രവർത്തകരോട് പറഞ്ഞു.
കോൺഗ്രസ് താത്കാലിക അധ്യക്ഷ സോണിയ ഗാന്ധിയുടെ സ്വന്തം ലോക്സഭാ മണ്ഡലത്തിലെ എം എൽ എ ആണ് അദിതി സിംഗ്. അദിതി സിംഗിനെ കൂടാതെ നിരവധി കോൺഗ്രസ് നേതാക്കൾ അയോധ്യയിലെ രാമക്ഷേത്ര നിർമ്മാണത്തിന് സംഭാവന നൽകിയിരുന്നു. മുതിർന്ന കോൺഗ്രസ് നേതാവ് ദിഗ്വിജയ് സിംഗും ക്ഷേത്ര നിർമ്മാണത്തിന് സംഭാവന നൽകിയിരുന്നു.
Discussion about this post