ഡൽഹി: കൊവിഡ് പ്രതിസന്ധിക്കിടയിലും സമ്പദ്ഘടനയിൽ ഉണർവ്. ഡിസംബറിൽ അവസാനിച്ച നാലാം പാദത്തിൽ ജിഡിപി 0.4 ശതമാനത്തിന്റെ വളർച്ച രേഖപ്പെടുത്തി. കഴിഞ്ഞ രണ്ട് പാദങ്ങളിലെ തുടർച്ചയായ നെഗറ്റീവ് വളർച്ചക്ക് ശേഷമാണ് ഇത്. കഴിഞ്ഞ തവണ 8 ശതമാനം നെഗറ്റീവ് വളർച്ചയായിരുന്നു ജിഡിപിയിൽ രേഖപ്പെടുത്തിയത്.
കൊവിഡ് പ്രതിസന്ധിയിൽ നിന്നും രാജ്യം അതിവേഗം കരകയറിയതും പൊതു വിപണിയിൽ കൂടുതൽ പണമെത്തിയതുമാണ് നേട്ടത്തിന് കാരണമായി വിലയിരുത്തപ്പെടുന്നത്.
സാമ്പത്തിക രംഗത്ത് കേന്ദ്ര സർക്കാർ നടപ്പിലാക്കിയ പരിഷ്കാരങ്ങൾ, പ്രത്യേകിച്ച് ലോൺ വിതരണ രംഗത്തെ ഉദാര സമീപനം നേട്ടത്തിന് കാരണമായതായി സാമ്പത്തിക വിദഗ്ധർ വിലയിരുത്തുന്നു. ബജറ്റിൽ പ്രഖ്യാപിച്ച പരിഷ്കരണങ്ങൾ കൂടി നടപ്പിലാകുന്നതോടെ സാമ്പത്തിക വളർച്ച കൂടുതൽ കാര്യക്ഷമമാകുമെന്നണ് വിലയിരുത്തൽ.
Discussion about this post