തിരുവനന്തപുരം: സംസ്ഥാനത്ത് കൊവിഡ് വാക്സിനേഷൻ രണ്ടാം ഘട്ടത്തിനുള്ള രജിസ്ട്രേഷൻ ഇന്ന് ആരംഭിക്കും. 60 വയസിന് മുകളില് പ്രായമുള്ള പൗരന്മാർക്കും 45 നും 59 നും ഇടയില് പ്രായമുള്ള മറ്റ് രോഗബാധിതര്ക്കുമാണ് രജിസ്ട്രേഷന് ആരംഭിക്കുന്നത്.
സംസ്ഥാനത്തെ വിവിധ സര്ക്കാര് ആശുപത്രികള്ക്ക് പുറമേ തെരഞ്ഞെടുക്കപ്പെട്ട സ്വകാര്യ ആശുപത്രികളിലും വാക്സിനെടുക്കാനുള്ള സൗകര്യം ഒരുക്കുന്നതാണ്. കേന്ദ്ര ആരോഗ്യ മന്ത്രാലയത്തിന്റെ മാര്ഗ നിര്ദേശമനുസരിച്ചാണ് ഇത്. സര്ക്കാര് ആശുപത്രികളില് വാക്സിനേഷന് സൗജന്യമാണ്.
ഇപ്പോള് പൊതുജനങ്ങള്ക്ക് നേരിട്ട് രജിസ്റ്റര് ചെയ്യുന്നതിനുള്ള സൗകര്യമാണ് ഒരുക്കിയിരിക്കുന്നത്. കോവിന് ( https://www.cowin.gov.in ) പോര്ട്ടല് വഴിയും ആരോഗ്യ സേതു ആപ്പ് വഴിയും പൊതുജനങ്ങള്ക്ക് കോവിഡ് വാക്സിനേഷനായി രജിസ്റ്റര് ചെയ്യാവുന്നതാണ്. രജിസ്ട്രേഷന് സമയത്ത് ഗുണഭോക്താവിന്റെ ഫോട്ടോ ഐഡി കാര്ഡിലുള്ള അടിസ്ഥാന വിവരങ്ങള് നല്കണം.
Discussion about this post