ഡൽഹി: സൗദി അറേബ്യയിലെ തായിഫിലുണ്ടായ വാഹനാപകടത്തിൽ രണ്ട് മലയാളി നഴ്സുമാർ മരിച്ചു. വൈക്കം വഞ്ചിയൂര് സ്വദേശിനി അഖില, കൊല്ലം ആയൂര് സ്വദേശിനി സുബി എന്നിവരാണ് മരിച്ചത്.
റിയാദില്നിന്ന് ജിദ്ദയിലേക്ക് വരുന്ന വഴി തായിഫിനടുത്ത് വെച്ച് ഇവർ സഞ്ചരിച്ചിരുന്ന മിനി ബസ് അപകടത്തില് പെടുകയായിരുന്നു. റിയാദില് ക്വാറന്റൈന് പൂര്ത്തിയാക്കി ജോലി സ്ഥലമായ ജിദ്ദയിലെ താമസ സ്ഥലത്തേക്കുള്ള യാത്രയിലാണ് അപകടം സംഭവിച്ചത്. ഞായറാഴ്ച രാവിലെ നാലര മണിയോടെയായിരുന്നു അപകടം. ഡ്രൈവര് ഉറങ്ങിപ്പോയതാണ് അപകട കാരണമെന്നാണ് റിപ്പോർട്ട്
വാൻ അഗാധമായ താഴ്ചയിലേക്ക് മറിയുകയായിരുന്നു. അപകടത്തിൽ പരിക്കേറ്റ ആന്സി, പ്രിയങ്ക എന്നീ മലയാളി നഴ്സുമാര് തായിഫ് കിംഗ് ഫൈസല് ആശുപത്രിയില് ചികിത്സയിലാണ്.
