പാലക്കാട്: മണ്ണാർക്കാട് ഗ്യാസ് ടാങ്കര് ലോറിയും ചരക്ക് ലോറിയും കൂട്ടിയിടിച്ച് ഒരു മരണം. മണ്ണാര്ക്കാട് തച്ചമ്പാറയിലായിരുന്നു അപകടം. മംഗലാപുരത്ത് നിന്നും വരികയായിരുന്ന ടാങ്കര് ലോറി ചരക്കുലോറിയുമായി കൂട്ടിയിടിക്കുകയായിരുന്നു.
ചരക്ക് ലോറിയുടെ ഡ്രൈവറാണ് മരിച്ചത്. ഇടിയുടെ ആഘാതത്തില് ചരക്ക് ലോറിയുടെ ഡീസല് ടാങ്ക് പൊട്ടി തീപടര്ന്നു. ചരക്കുലോറി പൂര്ണ്ണമായും കത്തിനശിച്ചു.
അഗ്നിരക്ഷാ സേന ഒരു മണിക്കൂറോളം പരിശ്രമിച്ചാണ് തീ കെടുത്തിയത്. ടാങ്കറിലെ ഗ്യാസ് ചോരാതിരിക്കാന് നടപടി സ്വീകരിച്ചതായി അഗ്നിരക്ഷാ സേന അറിയിച്ചു. പ്രദേശവാസികള്ക്ക് ജാഗ്രതാ നിര്ദ്ദേശം നല്കിയിട്ടുണ്ട്.
പാലക്കാട് നിന്ന് കോഴിക്കോട് ഭാഗത്തേക്കുള്ള വാഹനങ്ങള് കോങ്ങാട് വഴി പോലീസ് തിരിച്ചുവിട്ടു. ടാങ്കറിലെ ഗ്യാസ് മറ്റൊരു ടാങ്കറിലേക്ക് മാറ്റാൻ ശ്രമം ആരംഭിച്ചു. ഗ്യാസ് ടാങ്കര് ലോറിയില് തീപിടിക്കാതിരുന്നതിനാല് വന് ദുരന്തമാണ് ഒഴിവായത്.
Discussion about this post