പാലക്കാട്ടെ ബിജെപി സ്ഥാനാർത്ഥി ഇ ശ്രീധരന് വിജയാശംസകൾ നേർന്ന് സൂപ്പർ താരം മോഹൻലാൽ. വീഡിയോ സന്ദേശത്തിലൂടെയാണ് മോഹൻലാൽ ഇ ശ്രീധരന് വിജയാശംസകൾ നേർന്നിരിക്കുന്നത്.
‘ഓരോ ഭാരതീയനും അഭിമാനിക്കാൻ ഇവിടെ നമുക്ക് ഒരു വ്യക്തിത്വമുണ്ട്, ശ്രീ ഇ ശ്രീധരൻ സർ. കൊടുങ്കാറ്റിൽ തകർന്ന പാമ്പൻ പാലം നാൽപ്പത്തിയാറ് ദിവസം കൊണ്ട് പുനർനിർമ്മിച്ച ഇച്ഛാശക്തിയുടെ ഉടമ. അസാധ്യമെന്ന് ലോകം കരുതിയ കൊങ്കൺ റെയിൽവേ കരിങ്കൽ തൂണുകളിലൂടെ യാഥാർത്ഥ്യമാക്കിയ ധിഷണാശാലി. ഡൽഹി, കൊച്ചി തുടങ്ങിയ മഹാനഗരങ്ങളിൽ മെട്രോ നിർമ്മാണത്തിന് നേതൃത്വം നൽകിയ ധീരനായ രാഷ്ട്രശിൽപ്പി.
ഏൽപ്പിച്ച ജോലി പറഞ്ഞ സമയത്തിന് മുൻപ് പൂർത്തിയാക്കി ബാക്കി വന്ന തുക സർക്കാരിനെ തിരികെ ഏൽപ്പിക്കുന്ന കറകളഞ്ഞ വ്യക്തിത്വം. ഭാരതം പത്മവിഭൂഷൺ നൽകി ആദരിച്ച നമ്മുടെ സ്വന്തം മെട്രോമാൻ ശ്രീ ഇ ശ്രീധരൻ സർ. വികസനത്തിന്റെ പുതിയ പാതകളിലൂടെ നാടിനെ നയിക്കാൻ അദ്ദേഹത്തിന്റെ സേവനം ഇനിയും നമുക്ക് ആവശ്യമുണ്ട്. ശ്രീധരൻ സാറിന് എന്റെ എല്ലാവിധ വിജയാശംസകളും.‘ ഇതായിരുന്നു മോഹൻലാലിന്റെ വാക്കുകൾ.
https://www.facebook.com/TheMetromanS/posts/116722257174022
Discussion about this post