ഡൽഹി : ഐ.എസ്.ആര്.ഒ. ചാരകേസിന് പിന്നിലെ ഗൂഡാലോചനയെ കുറിച്ചുള്ള അന്വേഷണത്തിന്റെ റിപ്പോര്ട്ട് സുപ്രീം കോടതിയില് സമര്പ്പിച്ചു. കേസ് അന്വേഷിച്ച ജസ്റ്റിസ് ഡി.കെ. ജയിന് അധ്യക്ഷനായ ഉന്നതതല സമിതിയാണ് റിപ്പോര്ട്ട് സമര്പ്പിച്ചത്.
2018 സെപ്റ്റംബറിലാണ് ജസ്റ്റിസ് ഡി.കെ. ജയിന് അധ്യക്ഷനായ സമിതിക്ക് സുപ്രീം കോടതി രൂപം നല്കിയത്. കേന്ദ്ര ആഭ്യന്തര വകുപ്പിലെ മുന് അഡീഷണല് സെക്രട്ടറി ബി.കെ.പ്രസാദ്, കേരളത്തിലെ മുന് അഡീഷണല് ചീഫ് സെക്രട്ടറി വി.എസ്.സെന്തില് എന്നിവരാണ് കേന്ദ്ര, സംസ്ഥാന സര്ക്കാരുകളുടെ പ്രതിനിധികളായി സമിതിയില് ഉള്ളത്. മുദ്രവെച്ച കവറിലാണ് റിപ്പോര്ട്ട് സമര്പ്പിച്ചത്.
തിരഞ്ഞെടുപ്പ് പ്രചാരണത്തിനായി കഴിഞ്ഞ ദിവസം തിരുവനന്തപുരത്ത് നടത്തിയ പ്രസംഗത്തില് പ്രധാനമന്ത്രി നരേന്ദ്ര മോദി ഐ.എസ്.ആര്.ഒ ചാര കേസ് പരാമര്ശിച്ചിരുന്നു. കോണ്ഗ്രസിലെ എ, ഐ ഗ്രൂപ്പ് തര്ക്കത്തിന്റെ പേരിലാണ് നമ്പി നാരായണനെന്ന ശാസ്ത്രജ്ഞന്റെ ശാസ്ത്രജീവിതം പരിപൂര്ണമായി അവസാനിച്ചത് എന്നായിരുന്നു പ്രധാനമന്ത്രിയുടെ പരാമര്ശം.
