ഡൽഹി; സുക്മയിൽ വീരമൃത്യു വരിച്ച സൈനികരുടെ ജീവത്യാഗം വെറുതെയാകില്ലെന്ന് കേന്ദ്ര ആഭ്യന്തര മന്ത്രി അമിത് ഷാ. സൈനികരുടെ ധീരത രാജ്യം ഒരിക്കലും വിസ്മരിക്കില്ലെന്നും അദ്ദേഹം പറഞ്ഞു.
‘ഛത്തീസ്ഗഢിൽ മാവോയിസ്റ്റുകളുമായി ഏറ്റുമുട്ടി വീരമൃത്യു വരിച്ച ധീരസൈനികരുടെ ജീവത്യാഗത്തിന് മുന്നിൽ ശിരസ്സ് നമിക്കുന്നു. രാജ്യം ഒരിക്കലും നിങ്ങളുടെ ധീരത വിസ്മരിക്കില്ല. നിങ്ങളുടെ കുടുംബാംഗങ്ങൾക്ക് എന്റെ അനുശോചനം അറിയിക്കുന്നു. സമാധാനത്തിന്റെയും വികസനത്തിന്റെയും ശത്രുക്കൾക്കെതിരായ നമ്മുടെ പോരാട്ടം തുടരും. പരിക്കേറ്റവർ വേഗം സുഖം പ്രാപിക്കട്ടെ‘. അമിത് ഷാ ട്വീറ്റ് ചെയ്തു.
നേരത്തെ പ്രധാനമന്ത്രി നരേന്ദ്ര മോദിയും ഛത്തീസ്ഗഢ് മുഖ്യമന്ത്രി ഭൂപേഷ് ഭാഗെലും ജവന്മാർക്ക് അനുശോചനം രേഖപ്പെടുത്തിയിരുന്നു. പരിക്കേറ്റവരുടെ ചികിത്സയ്ക്കായി എല്ലാ ക്രമീകരണങ്ങളും തയ്യാറാക്കിയതായി മുഖ്യമന്ത്രി അറിയിച്ചിരുന്നു.
സുക്മയിൽ കഴിഞ്ഞ ദിവസം ഉണ്ടായ ഏറ്റുമുട്ടലിൽ അഞ്ച് സുരക്ഷാ സൈനികർ വീരമൃത്യു വരിക്കുകയും മുപ്പത് പേർക്ക് പരിക്കേൽക്കുകയും ചെയ്തിരുന്നു. സംഭവത്തിൽ പതിനഞ്ച് സുരക്ഷാ സൈനികരെ കാണാതായിരുന്നു. ഏറ്റുമുട്ടലിൽ ഒൻപത് കമ്മ്യൂണിസ്റ്റ് ഭീകരരെ സൈന്യം വകവരുത്തിയിരുന്നു.
Discussion about this post