ഡൽഹി: രാജ്യത്ത് കൊവിഡ് പ്രതിസന്ധി രൂക്ഷമായിരിക്കുന്ന സാഹചര്യത്തിൽ അടിയന്തര സേവനത്തിനായി സൈന്യം രംഗത്ത്. ആരോഗ്യ പ്രവർത്തകരെയും മെഡിക്കൽ ഉപകരണങ്ങളും അവശ്യ മരുന്നുകളും യഥാസമയം കൃത്യസ്ഥലങ്ങളിൽ എത്തിക്കാൻ ഇന്ത്യൻ വ്യോമസേനക്ക് കേന്ദ്ര പ്രതിരോധ മന്ത്രാലയം നിർദ്ദേശം നൽകി.
കൊവിഡിനെതിരായ രാജ്യത്തിന്റെ പോരാട്ടത്തിൽ വ്യോമസേനയും ഭാഗമാകുകയാണ്. ആരോഗ്യ പ്രവർത്തകരെയും ഒപ്പം മെഡിക്കൽ ഉപകരണങ്ങളും അവശ്യ മരുന്നുകളും രാജ്യമെമ്പാടുമുള്ള കൊവിഡ് ആശുപത്രികളിൽ എത്തിക്കാൻ നിർദ്ദേശം ലഭിച്ചു കഴിഞ്ഞതായും പ്രവർത്തനങ്ങൾ ആരംഭിച്ചു കഴിഞ്ഞതായും ഇന്ത്യൻ വ്യോമസേന ട്വീറ്റ് ചെയ്തു.
The IAF transport fleet is supporting the fight against Covid-19. Air lift of medical personnel, critical equipment and medicines is underway for Covid Hospitals and facilities across the country. pic.twitter.com/eBHv2yicyR
— Indian Air Force (@IAF_MCC) April 21, 2021
കൊവിഡ് വ്യാപനം രാജ്യത്ത് രൂക്ഷമായിരിക്കുന്ന സാഹചര്യത്തിൽ രാജ്യരക്ഷാ മന്ത്രി രാജ്നാഥ് സിംഗ് സായുധ സേനകളുടെ അടിയന്തര യോഗം വിളിച്ചു. സ്ഥിതിഗതികൾ നേരിട്ട് വിലയിരുത്തിയ അദ്ദേഹം സദാ സന്നദ്ധരായിരിക്കാൻ സേനകൾക്ക് നിർദ്ദേശം നൽകി.
