ഡല്‍ഹി: രാജ്യത്തെ കോവിഡ് വ്യാപനം രൂക്ഷമായ സാഹചര്യത്തില്‍ ഓക്സിജന് പ്രതിസന്ധിയില്‍ നിര്‍ണായക ഇടപെടലുമായി സുപ്രീം കോടതി. ഓക്സിജന് ലഭ്യതയും വിതരണവും നിരീക്ഷിക്കാന്‍ കോടതി കേന്ദ്ര ദൗത്യസംഘത്തെ നിയോഗിച്ചു. 12 അംഗ ദൗത്യ സംഘത്തെയാണ് നിയോഗിച്ചത്. മരുന്നുകളുടെ ലഭ്യത ഉറപ്പാക്കാനും ദൗത്യസംഘം ബന്ധപ്പെട്ട അധികൃതര്‍ക്ക് നിര്‍ദേശം നല്‍കും. ജസ്റ്റിസ് ഡിവൈ ചന്ദ്രചൂഡ്, എംആര്‍ ഷാ എന്നിവരടങ്ങിയ രണ്ടംഗ ബെഞ്ചാണ് ഉത്തരവ് പുറപ്പെടുവിച്ചത്.
സംസ്ഥാനങ്ങളിലേക്കുള്ള ഓക്സിജന് വിതരണം ദൗത്യ സംഘം വിലയിരുത്തും. ലഭ്യത സംബന്ധിച്ച റിപ്പോര്‍ട്ടും നിര്‍ദ്ദേശങ്ങളും കേന്ദ്രത്തിനും സുപ്രീംകോടതിക്കും കൈമാറും. ഓക്സിജന് പ്രതിസന്ധി പരിഹരിക്കുന്നതില്‍ കേന്ദ്രത്തിന് വീഴ്ച പറ്റിയെന്ന വിമര്‍ശനങ്ങള്‍ക്കിടെയാണ് ഓക്സിജന് വിതരണം കോടതി ഉറപ്പ് വരുത്തുന്നത്തിനായി 12 അംഗ ദൗത്യസംഘത്തെ നിയോഗിച്ചത്.
Discussion about this post